fbpx

عشقِ رسول کا سب سے بڑا ثبوت نبی ﷺ کی سیرت پر عمل کرنا ہے وزیراعظم عمران خان

اسلام آباد:وزیر اعظم عمران خان کی زیر صدارت رحمت للعالمین اتھارٹی کا جائزہ اجلاس ہوا اجلاس میں وزیر اعظم کو اتھارٹی کے قیام پر پیشرفت سے آگاہ کیا گیا۔

باغی ٹی وی : تفصیلات کے مطابق مذکورہ اجلاس میں وفاقی وزیر نورالحق قادری، شفقت محمود، اعجاز اکرم، خالد مسعود و دیگر نے شرکت کی جب کہ ڈاکٹر عطاء الرحمان نے وڈیو لنک کے ذریعے شرکت کی۔

اجلاس میں وزیر اعظم کو دی گئی بریفنگ میں کہا گیا کہ اتھارٹی کے لیے جامع میڈیا پلان آئندہ ہفتے پیش کر دیا جائے گا اور اسلامو فوبیا کا سدباب کرنے کے لیے سفارتخانوں کو آن بورڈ لیا جائے گا-

بریفنگ میں بتایا گیا کہ جدید طریقہ کار سے نوجوانوں اوربچوں اور نوجوانوں کی سیرت طیبہ کی روشنی میں کردار سازی پر توجہ دی جائے گی نصاب میں سیرت طیبہ کی روشنی میں اخلاقیات کی تدریس شامل کی جائے گی جبکہ اسلام اور سائنس میں ہم آہنگی اجاگر کرنے کے لیے تحقیق اور اقدامات بھی اتھارٹی کے مقاصد میں شامل ہے۔

اس موقع پر وزیر اعظم عمران خان نے کہا کہ ریاست مدینہ اصول پسندی اور اخلاقیات کا عملی نمونہ تھی جبکہ میثاق مدینہ انسانی حقوق کا محافظ تھا اسلامی معاشرہ اپنے دور کا سب سے جدت پسند معاشرہ تھا صوفیائے کرام نے سیرت کی روشنی میں مقامی لوگوں کو ان کی زبان میں دین کی تعلیمات دیں اور مذہبی تہواروں کو کردار سازی کا ذریعہ بنانے پر زور دیا جائے گا۔

وزیر اعظم نے مزید کہا کہ جامعات میں تحقیق اور غورو فکر سے سیرت کے اہم پہلوؤں کو اجاگر کیا جائے گا پاکستان کا ہر شہری عاشقِ رسولﷺ ہے اور عشقِ رسول کا سب سے بڑا ثبوت نبی ﷺ کی سیرت پر عمل کرنا ہے۔

وزیرِ اعظم نے اتھارٹی سے متعلق تمام اقدامات کو جلد عملی جامع پہنانے کی ہدایات جاری کیں۔

Facebook Notice for EU! You need to login to view and post FB Comments!