دوہرے قتل کے مقدمہ میں مطلوب اشتہاری ملزم امجدگرفتار

ننکانہ صاحب: نمائندہ باغی ٹی وی
باغی ٹی وی کی رپورٹ کے مطابق ڈی پی او اسماعیل کھاڑک کی ہدایت پر اشتہاری ملزمان کے خلاف کریک ڈاون تیزی سے جاری ہے۔ تھانہ واربرٹن پولیس نے دوہرے قتل کے مقدمہ میں مطلوب اشتہاری ملزم امجد کو گرفتار کر لیا۔ مزید تفتیش جاری،
تفصیلات کے مطابق ملزم اشتہاری امجد ضلع راولپنڈی کے تھانہ ٹیکسلا کو دوہرے قتل کے مقدمہ میں مطلوب تھا، ملزم اشتہاری نے ذاتی رنجش کی بناء پر اپنے قریبی رشتہ داروں ایک مرد اور عورت کو گھر میں گھس کر ہمراہی ملزمان کے ساتھ پسٹل کے فائر اور بے رحمانہ چھریوں کے وار کر کے قتل کیا اور فرار ہو گیا تھا۔ ملزم اشتہاری کے خلاف ضلع راولپنڈی کے تھانہ ٹیکسلا میں دوہرے قتل کا مقدمہ درج تھا۔ ملزم اشتہاری کو تھانہ واربرٹن پولیس نے SHO تھانہ محمد بوٹا ڈوگر کی سربراہی میں پیشہ وارانہ مہارت کی بدولت دوران سنیپ چیکنگ گرفتار کیا۔ مزید کاروائی کا عمل جاری۔
ڈی پی او ننکانہ کی طرف سے SHO تھانہ واربرٹن محمد بوٹا ڈوگر اور ہمراہی ٹیم کو نقد انعام اور سرٹیفیکیٹ کا اعلان۔
ڈی پی او ننکانہ کا کہنا ہے کہ جرم کرنے والا جتنا بھی طاقتور اور چالاک ہو قانون کی گرفت سے نہیں بچ سکتا۔ ضلعی پولیس جرائم پیشہ افراد کے خلاف انسدادی کاروائیوں کو یقینی بنانے میں دن رات مصروف عمل ہے۔ انہوں نے مزید کہا کہ عوامی جان و مال کے تحفظ کے لیے ہر ممکنہ قربانی کو تیار ہیں۔

*ترجمان ننکانہ پولیس*