اسلام آباد(باغی ٹی وی )اسلام آباد ہائیکورٹ، ججز کی سینیارٹی تبدیلی پر 5 ججز کی درخواستیں مسترد
اسلام آباد ہائیکورٹ کے چیف جسٹس عامر فاروق نے پانچ ججز کی ریپریزنٹیشن پر فیصلہ سناتے ہوئے سینیارٹی لسٹ میں کی گئی تبدیلی کو برقرار رکھا۔
فیصلے کے مطابق، صوبائی ہائیکورٹس سے ٹرانسفر ہونے والے ججز کو نئے حلف کی ضرورت نہیں، جبکہ جسٹس سرفراز ڈوگر بدستور سینئر پیونی جج رہیں گے۔
ریپریزنٹیشن دائر کرنے والے ججز—جسٹس محسن اختر کیانی، جسٹس طارق جہانگیری، جسٹس بابر ستار، جسٹس سردار اعجاز اسحاق خان، اور جسٹس ثمن رفعت کی درخواستیں مسترد کردی گئیں۔
عدالتی فیصلے میں کہا گیا کہ ججز کی تقرری اور ٹرانسفر دو مختلف معاملات ہیں اور ٹرانسفر کی صورت میں سینیارٹی نئے سرے سے شمار نہیں ہوگی۔
یاد رہے کہ دیگر ہائیکورٹس سے تین ججز کے اسلام آباد ہائیکورٹ میں ٹرانسفر کے بعد سینیارٹی لسٹ میں رد و بدل کیا گیا تھا، جس کے تحت جسٹس محسن اختر کیانی دوسرے نمبر پر چلے گئے جبکہ دیگر ججز کی پوزیشن بھی تبدیل ہوئی۔
