fbpx

اسلام آباد میں نرسیں آپریشن ، وارڈ بوائے مریضوں کو بے ہوشی کے ٹیکے لگانے لگے

نرسیں آپریشن ، وارڈ بوائے مریضوں کو بے ہوشی کے ٹیکے لگاتے ہیں ، قائمہ کمیٹی میں انکشاف
پرائیوٹ ڈاکٹر ہسپتال میں مریضوں کے آپریشن کرتے ہیں ،
دیکھ بحال نہ ہونے کی وجہ سے مریض سسک سسک کرہسپتال میں مرجارہے ہیں اور کوئی پوچھنے والا نہیں
کمیٹی میں نرسوں ،وارڈ بوائے ،داکٹروں کے تصویری ثبوت پیش کردیئے گئے
قائمہ کمیٹی نے نرم ہسپتال میں مریضوں کے ساتھ ہونے والے غیرانسانی سلوک پرانکوائری کرنے کی ہدایت کردی،
بے ضابطگیوں اور فرائض میں غفلت پر ای ڈی نرم کے خلاف بھی انکوائری کی جائے ،چیئرمین کمیٹی

اسلام آباد (محمداویس) قومی اسمبلی کی قائمہ کمیٹی برائے قواعدوضوابط میں انکشاف ہواہے کہ نرم ہسپتال اسلام آباد میں نرسیں آپریشن وارڈ بوائے مریضوں کو بے ہوشی کے ٹیکے لگاتے ہیں پرائیوٹ ڈاکٹر ہسپتال میں مریضوں کے آپریشن کرتے ہیں ،دیکھ بحال نہ ہونے کی وجہ سے مریض سسک سسک کرہسپتال میں مرجاتے ہیں اور کوئی پوچھنے والانہیں ہے ،کمیٹی میں نرسوں ،وارڈ بوائے ،داکٹروں کے تصویری ثبوت پیش کردیئے گئے۔قائمہ کمیٹی نے نرم ہسپتال میں مریضوں کے ساتھ ہونے والے غیرانسانی سلوک پر وزارت صحت کوانکوائری کرنے کی ہدایت کردی، بے ضابطگیوں اور فرائض میں غفلت پر ای ڈی نرم کے خلاف بھی انکوائری کی ہدایت کی ۔

منگل کوقومی اسمبلی کی قائمہ کمیٹی برائے قواعدوضوابط کااجلاس چیئرمین راناقاسم نون کی سربراہی میں پارلیمنٹ ہاوس میں ہوا۔ سردار ریاض محمود خان مزاری نے اسحقاق کے سوال پر کہاکہ ہمارے علاقے میں امن وامان ختم ہو رہا ہے اس میں ہم سب قصور وار ہیں پولیس بدمعاش کو پکڑتی ہے مگر اس کا کچھ نہیں کرسکتے عدالت سے ایک ہفتے میں بدمعاش باہر آجاتا ہے ۔پولیس کا اختیارات دیئے جائیں ۔پولیس کے خلاف میڈیا میں ٹرائل شروع ہوجاتا ہے اس کو ختم ہونا ہوگا ۔ہمارے علاقے میں تین لوگ اغوا ہوئے ہیں ۔پولیس کو کوئی سپورٹ نہیں ہوتی جس کی وجہ سے پولیس بھی کوئی قدم نہیں اٹھاتی ہے ۔

چیئرمین قاسم نون نے کہاکہ لبیک جماعت والے پولیس کو مارتے ہیں اور اس کے بعد معائدہ ہوجاتا ہے تو پولیس والوں کا مورال کیسے بلند ہو گا۔پولیس حکام نے کہاکہ بہاولپور میں پولیس کے دو سب ڈویژن بنا دیئے ہیں تاکہ قانون کی عمل داری بہتر بنائی جائے ۔کچے کے علاقے میں چوکیوں کو ایک جگہ سے دوسری جگہ منتقل کرنا ہوں گے ۔کمیٹی نے پولیس حکام کوایم این اے کے ساتھ ملاقات کرکے مسئلہ حل کرنے کی ہدایت کردی۔شوکت علی بھٹی نے کہاکہ حافظ آباد میں کیمپس کا مسئلہ ایچ ای سی نے کہاکہ حل کردیں گے ۔ای ڈی ایچ ای سے نے کہاکہ وہاں اب فیصل آباد زرعی یونیورسٹی کا کیمپس بنایا جائے گا ۔کمیٹی نے معاملہ نمٹادیا۔

ظل ہما نے کہاکہ اسلام آباد کے ہسپتال نرم میں میری سرجری ہوئی ہے ۔وزیراعظم کے کہنے پر سرکاری ہسپتال میں علاج کرنے گئی۔ایک سال بعد علاج کے بعد گئی ہوں ۔تو پوری انتظامیہ تبدیل ہوگئی تھی۔ہسپتال کے ملازمین ڈاکٹر مظہر اورشائستہ حبیب کی وجہ سے ہڑتال پر گئے ۔ ڈاکٹر مظہر نے اسلام آبادہائی کورٹ میں ہمارے خلاف کیس کیاہواہے اس کو ہسپتال سے نکالاجائے ۔ڈاکٹر مظہر نے کہاکہ میں 2002 سے ہسپتال میں کام کر رہا ہوں انہوں نے تصویریں دیکھاتے ہوئے بتایاکہ ہسپتال کے آپریشن تھٹر میں ڈاکٹر سیگریٹ پیتے تھے ،نرسیں آپریشن کرتی ہیں ،وارڈ بوئے مریضوں کو آپریشن سے پہلے بے ہوش کرنے کے ٹیکے لگاتے ہیں یہ سب اس کی تصویری ثبوت ہیں باہر سے پرائیوٹ ڈاکٹر آتے ہیں اور ہسپتال کے آپریشن تھیٹر میں آپریشن کرکے چلے جاتے ہیں اور مریض دیکھ بحال نہ ہونے کی ہوجہ سے سسک سسک کر مرجاتے ہیں اور کوئی نہیں پوچھتاہے کرپشن اور غیرانسانی سلوک کے خلاف میں نے آواز اٹھائی تو سب میرے خلاف ہوگئے ہیں مجھے کسی سے ذاتی لڑائی نہیں ہے نرم ہسپتال میں جو کچھ ہو رہاہے اس کی انکوائری کی جائے ۔

چیئرمین کمیٹی نے نرم ہسپتال میں ہونے والے غیرانسانی سلوک اور تمام معاملات کی انکوائر ی کرکے کمیٹی کو رپورٹ کرنے کی ہدایت کردی وزارت صحت کے حکام کو کہاکہ وہ اس معاملے کی جلدازجلد انکوائری کے ذمہ داران کے خلاف کارروائی کریں ۔جبکہ کمیٹی ارکان نے انکوائری کئے بغیر ڈاکٹر مظہر کوہسپتال سے ہٹانے کی مخالفت کرتے ہوئے کہ کہ ان سب تصویری ثبوتوں کی روشنی میں انکورائری کی جائے جبکہ ای ڈی نرم ہسپتال کے خلاف بھی ان بے ضابطگیوں اور فرائض میں غفلت پر انکوائری کی جائے ۔چیئر مین کمیٹی نے سندھ پولیس حکام کوہدایت کی کہ تمام صوبوں میں ایم این ایز کو دو پولیس اہلکار دیئے جائیں ۔رکن شگفتہ جمانی نے کہاکہ ان کے پاس دو پولیس اہلکار ہیں مجھے مزید ایک اہلکار دیاجائے میرے مرنے کے بعد یہ پولیس موبائل بھی دے دیں گے مجھے اس وقت اس کاکیا فائدہ ابھی بھی کچھ لوگوں کے ساتھ پولیس موبائل چلتی ہے اورمجھے ایک پولیس اہلکار نہیں دیا جا رہا ہے جس پر چیئرمین کمیٹی نے سندھ پولیس حکام کو شگفتہ جمانی کو ایک مزید پولیس اہلکاردینے کی ہدایت کردی۔

ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

یہ ہے لاہور، ایک ہفتے میں 51 فحاشی کے اڈوں پر چھاپہ،273 ملزمان گرفتار

طالبعلم کے ساتھ گھناؤنا کام کرنیوالا قاری گرفتار،قبرستان میں گورکن کی بچے سے زیادتی

راہ چلتی طالبات کو ہراساں اور آوازیں کسنے والا اوباش گرفتار

طالبات کو کالج کے باہر چھیڑنے والا گرفتار،گھر کی چھت پر لڑکی کے سامنے برہنہ ہونیوالا بھی نہ بچ سکا

پولیس کا قحبہ خانے پر چھاپہ،14 مرد، سات خواتین گرفتار

خاتون کے ساتھ زیادتی ،عدالت کا چھ ماہ تک گاؤں کی خواتین کے کپڑے مفت دھونے کا حکم

جناح ہسپتال کا ڈاکٹر گرفتار،نرسز، لیڈی ڈاکٹرز کی پچاس برہنہ ویڈیو برآمد

خواتین نرسزکی ویڈیو بنا کر بلیک میل کرنیوالے ملزم کی ضمانت پر ہوئی سماعت

ہنی مون پر گئے نوجوان نے موبائل فون خریدنے کیلئے بیوی کو فروخت کر دیا

ہولی فیملی ہسپتال سے بچہ اغوا ہونے پر لواحقین کا احتجاج

یہ ہے بزدار کا لاہور،دس روز میں 40 سے زائد بچے اغوا

نجی یونیورسٹی کی طالبہ کو اغوا کر کے زیادتی کرنیوالا ملزم گرفتار

رقم کی لین دین پر اغوا ہونے والا شخص بازیاب،ملزم گرفتار

پانچ سالہ معصوم بچے کیساتھ بدفعلی کی کوشش کرنے والا درندہ صفت ملزم گرفتار

مطیع اللہ ڈکیت گینگ کا سرغنہ ساتھیوں سمیت گرفتار

14 سالہ بچے سے زیادتی کرنے والا درندہ صفت سفاک ملزم گرفتار

قائداعظم یونیورسٹی میں ڈرگ مافیا سرگرم، ہم کچھ نہیں کرسکتے ہیں،پارلیمانی سیکرٹری برائے تعلیم کا انکشاف