fbpx

اسلام آباد پولیس کی گزشتہ ہفتہ کی جائم کے خلاف کاروائیاں

وفاقی دارالحکومت میں مختلف وارداتوں کے دوران شہری 6موٹر سائیکلوں، 20لاکھ روپے مالیت کی گاڑی، دس لاکھ سے زائد کے نقدی، زیورات، موبائل فونز و دیگر سامان سے محروم ہو گئے۔ سپرنگ ویلی کے عبد المعین نے بہارہ کہو پولیس کو بتایا کہ نامعلوم افراد نے میرے گھر سے نقدی، زیورات اور لیپ ٹاپ کل مالیتی 6لاکھ روپے چوری کر لیا ہے۔ جھنگ سیداں کے زاہد محمود نے کورال پولیس کو بتایا کہ نامعلوم افراد نے میرے گھر سے گھریلو سامان مالیت ایک لاکھ 55 ہزار روپے چوری کر لئے ہیں۔ جی ٹین کے سعد خان نے رمنا پولیس کو بتایا کہ نامعلوم افراد نے میری ٹیوٹا کرولا کار بی ایچ ایچ 441 مالیتی بیس لاکھ روپے چوری کر لی ہے۔ خرم شہزاد نے کورال پولیس کو بتایا کہ نامعلوم افراد نے میری موٹر سائیکل اے ایم پی 930 مالیتی 20ہزار روپے چوری کر لی ہے۔ تحسین علی کی موٹر سائیکل ہنڈا 125 آر آئی این 72 ایچ ایٹ فور سے چوری ہوئی ہے۔ محمد علی کی موٹر سائیکل بی جی ایم 766 ایچ ایٹ ون سے چوری ہوئی ہے۔ بحریہ ٹاؤن سے عبد الرافع کی موٹر سائیکل ہنڈا 125 اے بی بی 5593 چوری ہوئی، اسرار الحق کی موٹر سائیکل آر آر 912 بہارہ کہو سے چوری ہوئی، عفت حسین نے سہالہ پولیس کو بتایا کہ وہ ڈی ایچ اے فیز ٹو میں رہائش پذیر ہے اس کے گھر سے چھ لاکھ روپے کے زیورات چوری کر لئے گئے، عمار الطاف نے کورال پولیس کو بتایا کہ اس کی جیب سے نقدی، موبائل فون چوری کر لیا گیا، پولیس نے مقدمات درج کر کے کارروائی شروع کر دی ہے۔

کرونا ایس او پیز کی خلاف ورزی کرتے ہوئے شادیوں کی تقریبات کروانے پر تھانہ کورال اور شہزاد ٹاؤن میں مقدمات درج کر لئے گئے، غوری ٹائون میں ایس او پیز کی خلاف ورزی کرتے ہوئے شادی کی تقریب منعقد کروانے پر شادی ہالز کے ذمہ دار شہاب کےخلاف مقدمہ درج کر کے انہیں گرفتار کر لیا گیا جبکہ لہتراڑ روڈ پر پیرامائونٹ مارکی پر شادی کی تقریب کرنے کے الزام میں امان اللہ اور رؤف کو گرفتار کیا گیا۔

کھنہ پولیس نے بدکاری میں مصروف تین خواتین کو گرفتار کر لیا، کھنہ پولیس کی جانب سے درج کئے گئے مقدمہ نمبر 184 میں تحریر کیا گیا ہے کہ شہناز سمیت تین عورتیں اور ایک مرد بدکاری میں مصروف تھے، پولیس نے خواتین کو گرفتار کر لیا جبکہ محمد علی فرار ہونے میں کامیاب ہو گیا۔

جواب چھوڑیں

آپ کا ای میل ایڈریس شائع نہیں کیا جائے گا.