fbpx

اسلام آباد سے گلگت بلتستان کے معاملات نہیں چلائے جا سکتے،وزیراعظم

باغی ٹی وی کی رپورٹ کے مطابق وزیراعظم عمران خان نے کہا ہے کہ اسلام آباد سے گلگت بلتستان کے معاملات نہیں چلائے جاسکتے

گلگت میں تقریب سے خطاب کرتے ہوئے وزیراعظم عمران خان کا کہنا تھا کہ گلگت بلتستان کااصل پوٹنشل سیاحت ہے گلگت بلتستان میں سیاحت کے وسیع مواقع ہیں، پیسہ چوری کرکے بیرون ملک لے جانے والے دہرا نقصان پہنچاتے ہیں ،اقتدار میں آکر یہ لوگ پیسہ ملک سے باہر بھیجتے ہیں، 5سال میں 370 ارب روپے ترقیاتی کاموں کے لیے خرچ کیے جائیں گے ،اسکردو اور چلاس میں اسپتالوں کو بہتر کررہے ہیں بجلی کے نظام کے لیے 9 منصوبے ،سڑکوں کے5 بڑے منصوبے ہیں،اگر جنگلات کی دیکھ بھال نہ کی تو کبھی سیاحت کو فروغ نہیں مل سکے گا،گلگت بلتستان کے عوام سے سوتیلی ما ں جیسا سلوک کرنے کا تاثر تھا،اسلام آباد سے گلگت بلتستان کے معاملات نہیں چلائے جاسکتے ،انصاف کے بغیر کوئی ملک آگے نہیں جاسکتا،چھوٹا چورمحدود طبقے کو نقصان پہنچاتا ہے جبکہ طاقتور پورے ملک کو نقصان پہنچاتا ہے ،نیب 20سال سے ہے کیا کرپشن رک گیا ہے ؟ اب جاکر نیب نے ہمار ے دور میں طاقت ورکے خلاف کارروائی کی،وہ بھی دن تھے جب ملک آگے جا رہا تھا اور پھر کرپشن شروع ہوئی،جس ملک میں انصاف نہ ہو وہ کبھی عظیم ملک نہیں بن سکتا

وزیراعظم عمران خان کا مزید کہنا تھا کہ خالد خورشید خان کو وزیراعلی گلگت بلتستان بنانا میرا اب تک کا سب سے بہترین فیصلہ ہے۔خالد خورشید ان لوگوں میں ہے جو سیاست کو عبادت سمجھتے ہیں۔

وزیراعظم عمران خان کا کہنا تھا کہ ماضی کے حکمران تو اپنی گرمی اورسردی کی چھٹیاں باہر گزارتے ہیں ،ماضی میں پارٹی ٹکٹ دیتے ہوئے بڑی بڑی غلطیاں کیں ،ٹکٹ دینے میں غلط فیصلے پراکثرسوچتا رہتا ہوں،کچھ لوگ اپنی ذات کو فائدہ پہنچانے کیلئے اقتدار میں آتے ہیں،گلگت بلتستان کااصل پوٹنشل سیاحت ہے،گلگت بلتستان میں سیاحت کے وسیع مواقع ہیں، پیسہ چوری کرکے بیرون ملک لے جانے والے دہرا نقصان پہنچاتے ہیں ،اقتدار میں آکر یہ لوگ پیسہ ملک سے باہربھیجتے ہیں، 5سال میں 370 ارب روپے ترقیاتی کاموں کے لیے خرچ کیے جائیں گے ،اسکردو اور چلاس میں اسپتالوں کو بہتر کررہے ہیں ، بجلی کے نظام کے لیے 9منصوبے،سڑکوں کے 5 بڑے منصوبے ہیں، گلگت بلتستان میں ائیرپورٹ کی تعمیر کے منصوبے پر غورکریں گے ،گلگت بلتستان کو پیکج دینا چاہتا تھا جس سے یہاں ترقی آئے. ہمارے حکمران چھٹیوں پرلندن جاتے ہیں. ہمارے حکمران کے بچے باہر،جائیدادیں باہر. انہیں پتہ ہی نہیں پاکستان میں کتنے خوبصورت علاقے ہیں .

وزیراعظم عمران خان کا مزید کہنا تھا کہ گلگت بلتستان میں کمیونٹی نظام اتنا مضبوط ہے کہ یہاں ہرمسئلہ لوگ حل کرتے ہیں گلگت بلتستان کی خوبصورتی نے ہمیشہ مجھے مسحور رکھا، سوئٹزر لینڈ صرف سیاحت سے 60 سے 80 ارب ڈالر کماتا ہے،جب تک بڑے لوگوں کا احتساب نہیں ھوگا پاکستان میں خوشحالی نہیں آئگی۔

جواب چھوڑیں

آپ کا ای میل ایڈریس شائع نہیں کیا جائے گا.