اسلام آباد: کورنگ نالے میں ڈوبنے والے تین افراد کو بچالیا

اسلام آباد:وفاقی پولیس کی ریسکیو ٹیموں نے بروقت کارروائی کرتے ہوئے مارگلہ ٹاون کے علاقہ کورنگ نالے میں ڈوبنے والے تین افراد کو بچالیا۔ تفصیلات کے مطابق اسلام آباد پولیس کی ریسکیو ٹیموں نے مارگلہ ٹاون کے علاقہ کورنگ نالے میں ڈوبنے والے تین افراد کو بچا لیا۔ایک نوجوان مچھلیوں کے شکار کے کئے نالہ میں گیا۔

راول ڈیم کے سپیل ویز کھلنے کے باعث نوجوان پانی کے تیز بہاو کی زد میں آگیا۔قریب ہی ایک بزرگ اور ایک نوجوان نے اسے بچانے کی کوشش کی تو وہ بھی پانی میں بہہ گئے۔پولیس کی تیراک ٹیموں اور تھانہ کھنہ کے جوانوں نے اطلاع ملتے ہی بروقت کارروائی کی۔اورتینوں افراد کو بحفاظت بچا لیا گیا ہے۔

آئی جی اسلام آباد ڈاکٹر اکبر ناصر خاں نے پولیس ٹیموں کی بروقت کارروائی کو سراہتے ہوئے اسلام آباد پولیس کے جوانوں کو آئندہ بھی اس طرح کی کارروائیوں میں حصہ لینے کی ہدایت کی