ہم اسرائیل کو کبھی میں تسلیم نہیں کریں گے،حافظ نعیم الرحمان

جماعت اسلامی زخمیو ں کی دیکھ بھال کرے گی، جماعت اسلامی کسی کے آگے ہاتھ نہیں پھیلائے گی۔
0
99
naeem

لاہور : امیر جماعت اسلامی حافظ نعیم الرحمان نے کہا ہے کہ ہم اسرائیل کو کبھی میں تسلیم نہیں کریں گے، کبھی اسرائیل کونہیں مانیں گے، ہماری امت کا بچہ بچہ چاہتا ہے کہ ہم فلسطینیوں کے لیے لڑیں، ہمارے حکمران ہمارے راستے میں رکاوٹ ہیں۔

ایوان اقبال کے باہر جلسے سے خطاب کرتے ہوئے حافظ نعیم الرحمان نے کہا کہ فلسطینی روزانہ بمباری کا مقابلہ کرتے ہیں، ہم نوجوانوں، بچوں، بہنوں اور ماؤں سلام پیش کرتے ہیں، 78 لاکھ مسلم آرمی ہمارے پاس ہے لیکن فلسطینیوں پر بمباری ہو رہی ہے، فلسطین کے عوام حق کی خاطر جدوجہد کر رہے ہیں، غزہ میں 40 ہزار فلسطینی شہید ہو چکے ہیں، پاکستان میں معدنیات اور سمندر ہیں، پاکستان میں 25 کروڑ غیرت مند لوگ ہیں، پاکستان کا 65 فیصد نوجوانوں پر مشتمل ہے، ہم اسرائیل کو کبھی میں تسلیم نہیں کریں گے، کبھی اسرائیل کونہیں مانیں گے۔

حافظ نعیم الرحمان نے کہا کہ پاکستان کے پاس اچھی افواج موجود ہیں، مسلم ملکوں کے حکمرانوں اورافواج کو بلائیں، اگر پاکستان نے یہ کیا تو اسرائیل حماس کے مطابق جنگ بندی کرے گاجو فلسطین میں بچے اور جوان زخمی ہیں ان کو پاکستان لایا جائے، جماعت اسلامی زخمیو ں کی دیکھ بھال کرے گی، جماعت اسلامی کسی کے آگے ہاتھ نہیں پھیلائے گی۔

ادھر امیر جماعت اسلامی نے مشاورت سے منعم ظفر کو کراچی کا عبوری امیر مقرر کر دیا ہے ،ترجمان قیصر شریف کے مطابق حافظ نعیم الرحمان نے یہ فیصلہ امیر صوبہ سندھ محمد حسین محنتی سے مشاورت کے بعد کیا، منعم ظفر خان چار سال سے کراچی کے سیکرٹری جنرل کی ذمہ داری ادا کر رہے تھے ۔ منعم ظفر خان اسلامی جمعیت طلبہ کراچی کے بھی ناظم رہے چکے ہیں۔

Leave a reply