بیت المقدس:ہوائی اڈے کی اراضی پر کالونی بنانے کا اسرائیلی منصوبے کا انکشاف

0
28

مقبوضہ بیت المقدس :بیت المقدس:ہوائی اڈے کی اراضی پر کالونی بنانے کا اسرائیلی منصوبے کا انکشاف ،اطلاعات کے مطابق اسرائیلی حکومت نے کل بدھ کے روز کابینہ کے اجلاس میں مقبوضہ مغربی کنارے کے جنوبی علاقوں میں یہودی آباد کاروں کے لیے مزید 7 ہزار مکانات کی تعمیر کی منظوری دی ہے۔

عبرانی اخبار’یروشلم پوسٹ’ کی رپورٹ کے مطابق اسرائیلی وزیر دفاع نفتالی بینیٹ نے غرب اردن کے یہودی کالونیوں کے بلاک’گوش عتصیون’ میں قائم ‘افرات’ کالونی میں یہودی آباد کاروں کے لیے سات ہزار نئے گھروں کی تعمیر کی منظوری دے دی ہے۔

خیال رہے کہ اسرائیلی حکومت جولائی سے غرب اردن کی کالونیوں کو صہیونی ریاست میں ضم کرنے کے اعلان پر عمل کرنے کی تیاری کررہی ہے۔ غرب اردن کے علاقوں کو صہیونی ریاست میں ضم کرنے کا فارمولہ امریکا نے پیش کیا ہے اور وہ فلسطینی علاقوں پر اسرائیلی ریاست کی خود مختاری کے لیے سرگرم ہے۔

اقوام متحدہ کی سلامتی کونسل اور جنرل اسمبلی کی کئی قراردادوں، اقوام متحدہ کے انسانی حقوق چارٹر اور دیگر عالمی کنونشنز میں مقبوضہ فلسطینی علاقوں میں اسرائیل کی یہودی بستیوں کی تعمیر کو غیرقانونی اور غیرآئینی قرار دیا گیا ہے۔سلامتی کونسل نے 23 دسمبر 2017ء کو قرارداد 2334 منظور کی تھی جس میں فلسطینی علاقوں میں یہودی بستیوں کی تعمیر اور توسیع پسندانہ اقدامات کو غیرقانونی قرار دیا گیا تھا۔

Leave a reply