fbpx

اسرائیل کی سلامتی کے لیے کچھ بھی کرسکتے ہیں، امریکی وزیر خارجہ کا بڑا اعلان

امریکی وزیر خارجہ مائک پومپیو نے کہا ہے امریکہ اسرائیل کی سلامتی کے لیے کسی بھی اقدام سے ہرگز گریز نہیں کرے گا،

باغی ٹی وی کی رپورٹ کے مطابق میڈیا رپورٹس میں کہا گیا ہے کہ امریکی وزیر خارجہ نے واضح طور پر اعلان کیا ہے کہ امریکہ اسرائیل کی ضرورت کا تمامتر اسلحہ اور فوجی ساز و سامان اسے فراہم کرے گا اور یہ کہ امریکہ خود کو اسرائیل کی سلامتی کا پابند سمجھتا ہے،

امریکی وزیر خارجہ مائیک پومپیو نے کہا کہ واشنگٹن تل ابیب کو اسرائیل کی سلامتی کے لیے تمامتر فوجی ساز و سامان جو اسے کی ضرورت ہو گی، اسے فراہم کرے گا، واضح رہے کہ امریکہ اسرائیل کو ہر سال اربوں ڈالر کی فوجی اور مالی امداد فراہم کرتا ہے اور یہ کہ واشنگٹن کی طرف سے اسرائیل کو دی جانے والی فوجی اور مالی امداد اسرائیل کی توسیع پسندی اور فلسطینیوں کی نسل کشی پر صرف ہوتی ہے، صیہونی حکام امریکہ کو اسرائیل کا سب سے طاقتور حامی قرار دیتے ہیں اور اسرائیل امریکی شہ پر فلسطین میں بڑے پیمانے پر قتل و غارت گری جاری رکھے ہوئے ہے،