اسرائیل نے شام پر بھی حملے شروع کردیے

اسرائیل نے شام پر بھی حملے شروع کردیے

باغی ٹی وی : منگل کے روز اسرائیلی افواج نے وسطی شام میں حملہ کیا ، سرکاری خبر رساں ایجنسی سانا نے دمشق میں دھماکوں کی اطلاع دیتے ہوئے مزید کہا کہ اسرائیلی جارحیت کے خلاف اس کے فضائی دفاع کو متحرک کردیا گیا ہے۔

خبر رساں ادارے کا مزید کہنا ہے کہ اسرائیلی طیارے لبنانی فضائی حصے سے پہنچے۔ اس میں کسی جانی و مالی نقصان کی کوئی اطلاع موصول نہیں ہوئی لیکن شامی آبزرویٹری برائے ہیومن رائٹس (ایس او ایچ آر) نے خبر رساں ادارے اے ایف پی کو بتایا کہ منگل کے رات دیر گئے ہوئے حملوں میں کم از کم 11 حکومت نواز جنگجو مارے گئے۔

ایس او ایچ آر کے سربراہ رامی عبد الرحمن نے بتایا کہ کم از کم سات فوجی جوان اور قومی دفاعی دستوں کے چار عسکریت پسند مارے گئے۔

برطانیہ میں مقیم جنگی مانیٹر نے بتایا کہ حملوں نے حمص کے نواح میں گاؤں خیربیت التین کے قریب فضائیہ کے ٹھکانوں کو نشانہ بنایا اور لبنانی حزب اللہ کی تحریک سے تعلق رکھنے والے اسلحہ ڈپو کو بھی نشانہ بنایا۔

اسرائیلی فوج ، جو شام پر انفرادی حملوں کا شاذ و نادر ہی اعتراف کرتی ہے ، نے "غیر ملکی میڈیا میں آنے والی خبروں” پر کوئی تبصرہ کرنے سے انکار کردیا۔

شام میں سن 2011 میں ایک جنگ شروع ہونے کے بعد سے ، اسرائیل نے شامی سرزمین پر سیکڑوں فضائی حملے کیے ہیں ، جن میں سرکاری عہدے داروں کو نشانہ بنایا گیا ہے اور ساتھ ہی اتحادی ایران کی حمایت یافتہ فوج اور لبنان کی حزب اللہ تحریک کے جنگجو بھی نشانہ بنائے گئے ہیں۔