اسرائیلی 160 جنگی طیاروں نے صرف 40 منٹ کے اندر غزہ پر کیا قیامت ڈھائی

0
74

اسرائیلی 160 جنگی طیاروں نے صرف 40 منٹ کے اندر غزہ پر کیا قیامت ڈھائی

باغی ٹی وی : غزہ پر ظالم صہیونیوں کے حملے جاری ہیں ، اس سلسلے میں غاصب اسرائیلی ریاست کے وزیر دفاع نے اپنے ایک بیان میں دعوی کیا ہے کہ صیہونی حکومت کے 160 جنگی طیاروں نے صرف 40 منٹ کے اندر غزہ کے شمالی علاقے کے متعدد مقامات پر میزائل فائر کئے ہیں۔

معصوم بچوں کی قاتل اسرائیلی حکومت کے وزیرجنگ نے اس کارروائی کو حالیہ چند دنوں کی جھڑپوں کے دوران ہونے والی سب بڑی کارروائی قراردیا اور کہا کہ اس حملے میں ہونے والے نقصانات کا اندازہ لگایا جارہا ہے۔


اس بیان میں کہا گیا ہے کہ فضائی حملوں کے ساتھ ہی صیہونی فوجیوں نے ٹینکوں اور توپخانے کی مدد سے زمینی حملے بھی شروع کردیئے ہیں. الجزیرہ کی رپورٹ کے مطابق تازہ ترین حملوں میں اب تک 119 فلسطینی لقمہ اجل بن چکے ہیں جن میں کافی زیادہ تعداد بچوں اور عورتوں کی ہے .
اسرائیل کی فلسطینیوں پر ظلم و بربریت کا سلسہ جاری ہے . ، غزہ میں ظالم صیہونی فوجوں کے تازہ حملوں میں شہید ہونے والے فلسطینیوں کی تعداد ایک سو انیس تک پہنچ گئی ، شہید ہونے والوں میں اٹھائیس بچے اور سات خواتین بھی شامل ہیں۔

ظالم اسرائیل کے غزہ پر قیامت خیز بمباری جاری ہے . ، فضائی حملوں میں شہدا کی تعداد 119 ہو گئی، بمباری سے پانچ سو سے زائد فلسطینی زخمی ہیں،اس اندوہ ناک بمباری سے عمارتیں تباہ ہوچکی ہیں. لوگ لاشیں اٹھانے کی سکت کھو رہے ہیں. امدادی اداروں‌کو بھی کام کرنے میں کافی تنگی ہے .

Leave a reply