اسرائیل نے مزید 10 ایٹم بم تیار کر لیے ،تعداد 90 ہوگئی .خصوصی رپورٹ

اسرائیلی ایٹم بموں‌کی تعداد ایک بار پھر بڑھ کر 90 ہوگئی ہے.ایک عالمی ادارے ‘اسٹاک ہوم انٹرنیشنل ریسرچ انسٹیٹیوٹ’ کی سالانہ رپورٹ میں دنیا بھر میں ایٹم بموں کی تعداد کی تفصیلات بیان کی ہیں۔ رپورٹ کے مطابق گذشتہ برس اسرائیل نے مزید 10 ایٹم بم تیار کر لیے ہیں جس کے بعد صہیونی ریاست کے ایٹم بموں‌ کی تعداد 80 سے 90 تک جا پہنچی ہے۔

عالمی ادارے کی رپورٹ میں کہا گیا ہے کہ اسرائیل کے پاس جوہری اور ہائیڈروجن بموں کی تعداد میں قابل ذکر اضافہ ہوا ہے۔ان ایٹم بموں کو جنگی طیاروں، میزائلوں اور آبدوزوں کے ذریعے داغا جا سکتا ہے۔ صہیونی ریاست کے ‘جریکو’ دیسی ساختہ میزائل خاص طور پر جوہری وار ہیڈ لے جانے کے لیے تیار کیے گئے ہیں جو بین البراعظمی سطح پر مار کر سکتے ہیں۔

رپورٹ میں‌ بتایا گیا ہے کہ رواں سال ایٹم بموں کی تعداد 13 ہزار 865 تک جا پہنچی ہے۔ ان میں امریکا اور روس جوہری بموں کی تعداد کے اعتبار سے سر فہرست ہیں۔ ان دونوں‌ ملکوں کے ایٹم بموں کی تعداد تین تین سو ہے۔ اس کے بعد برطانیہ کے پاس 215، چین کے پاس 280، بھارت کے پاس 140، پاکستان کے پاس 150، اسرائیل کے پاس 90 اور شمالی کوریا کے پاس 30 جوہری بم ہیں۔