فلسطینی ردعمل ، صیہونی فوج مزیدآئرن ڈوم نصب کرنے پر مجبور

مقبوضہ بیت المقدس : اسرائیلی افواج کے فلسطینیوں پر مظالم کے بعد اب صہیونی افواج پر خوف کے سائے ، اطلاعات کے مطابق صیہونی حکومت کی فوج نے غزہ کے فلسطینی استقامتی گروہوں کے میزائلی حملوں کے خوف سے مقبوضہ فلسطین کے جنوب میں آئرن ڈوم سسٹم نصب کرنا شروع کردیا ہے۔

ذرائع کے مطابق فلسطین کے استقامتی گروہوں نے پچھلے دنوں عوام سے اپیل کی ہے کہ وہ غزہ کی سرحدوں پر اپنے واپسی مارچ میں مزید شدت پیدا کردیں تاکہ غزہ سے متعلق ہونے والے سمجھوتے کی خلاف ورزیوں سے صیہونی حکومت کو روکا جاسکے۔

صیہونی حکومت کے ٹرانسپورٹ کے وزیر نے رام اللہ میں فلسطینیوں کی حالیہ کارروائی کے ردعمل میں کہا ہے کہ غرب اردن پر پوری طرح سے قبضہ اور وہاں فلسطینی انتظامیہ کو تحلیل کردینا چـاہئے۔جمعے کو غرب اردن کے شہر رام اللہ میں دستی بم کے دھماکے میں ایک صیہونی عورت ہلاک اور دو دیگر افراد زخمی ہوگئے۔