fbpx

اسرائیلی فوج کی احتجاجی ریلی پر فائرنگ، درجنوں فلسطینی زخمی

قابض اسرائیلی فوج نے فلسطینی علاقے غزہ کی پٹی میں جمعہ کی شام ایک احتجاجی ریلی پر مشین گنوں سے فائرنگ کر دی ۔

مرکز اطلاعات فلسطین کے مطابق ایک مقامی فیلڈ آبزرور نے بتایا کہ اسرائیلی فوج نے جنوبی غزہ میں ریلی پر مشین گنوں، آنسوگیس کی شیلگ اور دھاتی گولیوں کا استعمال کیا۔ فائرنگ میں دو خواتین اور 18 بچوں سمیت کم سے کم 75 فلسطینی زخمی ہوگئے۔

زخمیوں میں سے بعض کو تشویشناک حالت میں اسپتال منتقل کیا گیا ہے۔

یاد رہے کہ جمعہ کو ز غزہ میں مختلف مقامات پر حق واپسی ریلیاں نکالی گئیں۔ غزہ کی پٹی میں فلسطینی مظاہرین کی حق واپسی تحریک 30 مارچ 2018ء سے جاری ہے۔ اس تحریک کے آغاز سے اب تک تین سوسے زائد فلسطینی شہید اور 31 ہزار سے زائد زخمی ہو چکے ہیں۔