اسرائیل نے حملہ کردیا،7افراد ہلاک ، درجنوں زخمی

دمشق:‌اسرائیل نے حملہ کردیا،7افراد ہلاک ، درجنوں زخمی ،اطلاعات کےمطابق شام کے دارالحکومت دمشق کے انٹرنیشنل ایئرپورٹ پر اسرائیلی جنگی طیاروں کی ایرانی ٹھکانوں پر بمباری کے نتیجے میں 7 افراد ہلاک ہوگئے۔

بین الاقوامی میڈیا رپورٹس کے مطابق دارالحکومت دمشق کے بین الاقوامی ایئرپورٹ پر ایرانی ٹھکانوں کو اسرائیلی لڑاکا طیاروں نے نشانہ بنایا، بمباری میں ایرانی آئل ڈپو کو ہدف بنایا گیا تھا۔معلوم ہوا ہے کہ ایک روز قبل ہی تہران سے فوجی سازوسامان دمشق پہنچایا گیا تھا، جس کے فوری بعد ایرانی ٹھکانوں پر بمباری کی گئی۔

شامی خانہ جنگی پر نگاہ رکھنے والی برطانیہ میں قائم شامی مبصرین کی تنظیم برائے انسانی حقوق نے دعویٰ کیا ہے کہ اسرائیلی جیٹ طیاروں کی بمباری میں ہلاک ہونے والوں میں 4 ایرانی اور 3 شامی اہلکار شامل ہیں۔

دوسری جانب اسرائیلی وزیراعظم بنجمن نیتن یاہو نے واقعے پر لاعلمی کا اظہار کرتے ہوئے کہا ہے کہ مجھے اس حملے کے بارے میں معلوم نہیں، ہو سکتا ہے یہ کارروائی بیلجیم کی ایئرفورس نے کی ہو۔شامی میڈیا نے دعویٰ کیا ہے کہ ملکی دفاعی نظام نے اسرائیل کی مقبوضہ گولان کی پہاڑیوں سے فائر کیے گئے متعدد میزائلوں کو گرایا ہے۔

جواب چھوڑیں

آپ کا ای میل ایڈریس شائع نہیں کیا جائے گا.