fbpx

اسرائیلی میلے میں بھگدڑ سے 44 ہلاکتیں

باغی ٹی وی کی رپورٹ کے مطابق اسرائیل میں بھگڈر مچنے سے 44 افراد ہلاک ہو گئے ہیں جبکہ متعدد زخمی ہو گئے۔

زخمیوں کو طبی امداد کے لئے ہسپتال منتقل کر دیا گیا، ریسکیو عملے نے زخمیوں کو موقع پر بھی طبی امداد دی۔ یہودیوں کا مذہبی میلہ اسرائیل کے شہر میرون میں جاری تھا جہاں یہودیوں کی بڑی تعداد سالانہ عوامی اجتماع میں شریک تھی۔ عالمی ذرائع ابلاغ نے پولیس کے حوالے سے بتایا کہ بھگدڑ چند یہودیوں کے سیڑھیوں سے پھسلنے کے سبب شروع ہوئی، زیادہ رش اور دھکم پیل کے سبب درجنوں دیگر بھی زمین پر گر پڑے جس سے ہجوم بے قابو ہوا۔ واقعے کی تحقیقات کا آغاز کر دیا گیا ہے۔ اطلاعات کے مطابق 50 سے زائد افراد زخمی ہین جن میں سے 20 کی حالات تشویشناک ہے

اسرائیل میں کورونا کی شدت میں کمی کے بعد اجتماع منعقد کیا گیا تھا تاہم محکمہ صحت نے وارننگ جاری کی تھی۔ اسرائیل کے وزیراعظم نیتن یاہو نے اسے بڑی تباہی قرار دیتے ہوئے ہلاکتوں پر دکھ کا اظہار کیا ہے۔ انہوں نے اپنے ٹوئٹر پیغام میں کہا ہے کہ حارثے کا شکار ہونے والے تمام لوگوں کے لیے دعا گو ہوں۔

جواب چھوڑیں

آپ کا ای میل ایڈریس شائع نہیں کیا جائے گا.