اسرائیلی وزیراعظم کا ہو گا واشنگٹن کا دورہ ،ٹرمپ سے ملاقات طے

0
24

اسرائیلی وزیراعظم کا ہو گا واشنگٹن کا دورہ ،ٹرمپ سے ملاقات طے

باغی ٹی وی کی رپورٹ کے مطابق امریکی صدر ڈونلڈ ٹرمپ نے کہا ہے کہ وہ منگل کے روز اسرائیلی وزیراعظم بنیامین نیتن یاہو کے واشنگٹن کے دورے سے قبل مشرق وسطی سے متعلق اپنے امن منصوبے کے اعلان کا ارادہ رکھتے ہیں۔

غیر ملکی خبر رساں ادارے کے مطابق صدارتی طیارے میں صحافیوں سے بات چیت کرتے ہوئے امریکی صدر کہا کہ یہ ایک بہترین منصوبہ ہے.

واضح رہے کہ اسرائیلی وزیراعظم اگلے ہفتے امریکہ کا دورہ کریں گے جہاں امریکی صدر ڈونلڈ ٹرمپ سے ملاقات طے ہے،وائٹ ہاؤس میں ٹرمپ اور نیتن یاہو کی آئندہ ملاقات میں فلسطین کو دعوت نہیں دی گئی تاہم فلسطین نے کہا ہے کہ وہ مذکورہ امن منصوبے کو مسترد کرتے ہیں۔

فلسطینی صدر محمود عباس کے ترجمان نبیل ابو ردینہ نے ایک بیان میں کہا ہے کہ فلسطینی اتھارٹی ایک بار پھر باور کراتی ہے کہ وہ ان امریکی فیصلوں کو قطعی طور پر مسترد کرتی ہے جن کے تحت بیت المقدس کو اسرائیل کا دارالحکومت ہونے کا اعلان کیا گیا اور اسی طرح بین الاقوامی قوانین کی مخالفت کرنے والے دیگر تمام امریکی فیصلوں کو بھی مسترد کرتی ہے۔

Leave a reply