اتحادی جماعت کے رکن کا وزارت سے استعفیٰ، حکومت نے کس سے رابطہ کر لیا؟ اہم خبر

اتحادی جماعت کے رکن کا وزارت سے استعفیٰ، حکومت نے کس سے رابطہ کر لیا؟ اہم خبر
باغی ٹی وی کی رپورٹ کے مطابق ایم کیو ایم کے خالد مقبول صدیقی کی جانب سے وزارت سے استعفیٰ دینے کے بعد حکومت نے مسلم لیگ ق کی سینئر قیادت سے رابطہ کیا ہے، مسلم لیگ ق اورحکومتی کمیٹی کا اسی ہفتےمشترکہ بیٹھک کا فیصلہ ہوا ہے.

مشترکہ اجلاس میں اتحادی حکومت کے امورپر بات چیت ہوگی ق لیگ کے رہنما اسی ہفتے وزیراعلیٰ پنجاب سےبھی ملاقات کریں گے جن میں پنجاب کے امور پر بات چیت کی جائے گی، ق لیگ کا وفد وزیراعظم سے بھی ملاقات کرے گا جس میں اس امر کی یقین دہانی کروائی جائے گی کہ مسلم لیگ ق حکومت کے ساتھ ہے اور رہے گی.

دوسری جانب ایم کیو ایم کے رہنما خالد مقبول صدیقی کے وزارت چھوڑنے کے اعلان کے بعد حکومت کی جانب سے ایم کیو ایم کو منانے کی کوشش شروع کر دی گئی ہے. وفاقی وزیر اسد عمر آج ایم اکیو وفد سے ملاقات کریں گے.

اسد عمر وزیراعظم عمران خان کی ہدایت پر ایم کیو ایم وفد سے ملاقات کریں گے اور ان کے تحفظات دور کرنے کی کوشش کریں گے،

خالد مقبول صدیقی کی اپنی کارکردگی کیا ہے؟ فاروق ستار نے اٹھائے سوالات

واضح رہے کہ گزشتہ روز کنوینرایم کیو ایم پاکستان خالد مقبول صدیقی نے کراچی میں پریس کانفرنس کرتے ہوئے وفاقی وزارت چھوڑنے کا اعلان کیا تھا، انہوں نے شکوہ کرتے ہوئے کہا کہ ہم نے تحریک انصاف کا وفاقی حکومت بنانے میں ساتھ دیا تھا لیکن ہمارے مطالبات پر پیش رفت نہیں ہوئی، تاہم انہوں نے حکومت سے اتحاد ختم کرنے کی افواہوں کی تردید کی تھی