راولپنڈی: اڈیالہ جیل کے داخلی گیٹ پر پی ٹی آئی کے بانی، عمران خان کے وکیل فیصل چودھری کو داخلہ دینے سے انکار کر دیا گیا۔
جیل کے عملے کے ساتھ تلخ کلامی کے بعد فیصل چودھری کو دو گھنٹے تک ڈپٹی سپرنٹنڈنٹ کے کمرے میں بٹھا کر واپس جانے کا کہا گیا۔جس کے بعد فیصل چودھری نے اڈیالہ جیل چوکی میں جیل انتظامیہ کے خلاف مقدمہ درج کرنے کی درخواست دی۔ ان کا کہنا تھا کہ وہ بانی پی ٹی آئی کے تمام کیسز میں وکیل ہیں اور ان کے تمام مقدمات میں ان کا وکالت نامہ جمع ہے، مگر جیل عملے نے داخلی دروازے پر انھیں اندر جانے کی اجازت نہیں دی۔
فیصل چودھری نے مزید کہا کہ انسداد دہشت گردی عدالت نے نو مئی کو جی ایچ کیو کیس کی سماعت مقرر کی تھی، لیکن جیل عملے نے انھیں اندر جانے سے روک دیا۔ اس پر انھوں نے احتجاج کیا، جس پر ڈپٹی سپرنٹنڈنٹ جیل کے کمرے میں انہیں دو گھنٹے تک حبس بیجا میں رکھا گیا۔فیصل چودھری نے درخواست میں یہ بھی تحریر کیا کہ جیل عملہ نہ صرف انہیں بلکہ ان کے ہمراہ آئے سائلین کو بھی ہراساں کرتا رہا۔ انھوں نے درخواست کی کہ جیل انتظامیہ کے خلاف قانونی کارروائی کی جائے۔اڈیالہ جیل چوکی نے فیصل چودھری کی درخواست وصول کرلی ہے،
