جیل سے رہائی کے فوری بعد ملزم ڈکیتی مارتے پکڑا گیا

0
31

شاہ لطیف پولیس نے خفیہ اطلاع ملنے پر فوری کارروائی کرتے ہوئے مطلوب ملزم کو گرفتار کرلیا، ملزم ڈکیتی اور رہزنی کی درجنوں وارداتیں کرچکا ہے۔

اس حوالے سے پولیس ذرائع کا کہنا ہے کہ گرفتار ملزم ملیر میں دوران ڈکیتی شہری کو زخمی کرنے میں بھی ملوث ہے۔

ملزم مجیب کھوسہ شہر بھر میں اسٹریٹ کرائم کی 70 سے زائد وارداتوں میں ملوث رہا ہے، ایس ایس پی ملیر کے مطابق ملزم کو سی سی ٹی وی فوٹیج کی مدد سے گرفتار کیا گیا۔

سی سی ٹی وی فوٹیج میں ملزم کو ایک شہری پر فائرنگ کرتے بھی دیکھا جاسکتا ہے، پانچ روز قبل ملزم کی فائرنگ سے 55 سالہ جاوید نامی شخص زخمی ہوا تھا۔

ایس ایس پی کا کہنا ہے کہ ملزم مجیب کھوسہ کے خلاف مختلف تھانوں میں گیارہ مقدمات درج ہیں، گرفتار ملزم 2 دسمبر کو ضمانت پر رہا ہوا تھا۔

ایس ایس پی ملیر نے صحافیوں کو مزید بتایا کہ ملزم مجیب نے رہائی کے فوری بعد دوبارہ ڈکیتی کی وارداتیں کرنا شروع کردی تھیں۔

Leave a reply