ورلڈ ہیڈر ایڈ

جماعت اسلامی کا حکومت کیخلاف تحریک چلانے کا اعلان،پہلا دھرنا کہاں ہو گا؟

جماعت اسلامی نے حکومت کے خلاف تحریک چلانے کا اعلان کر دیا، اس حوالہ سے جماعت اسلامی کا پہلا احتجاجی پروگرام صوبائی دارالحکومت لاہور میں ہو گا.

باغی ٹی وی کی رپورٹ کے مطابق جماعت اسلامی نے حکومت کے خلاف تحریک چلانے کا فیصلہ کیا ہے اس ضمن میں جماعت اسلامی کا سولہ جون کو صوبائی دارالحکومت لاہور میں بڑا پروگرام ہو گا، جس کے لئے تیاریاں جاری ہیں. لاہور کے تاریخی مال روڈ پر جماعت اسلامی مہنگائی، بے روزگاری کے خلاف جلسہ کرے گی جس سے جماعت اسلامی کے امیر سراج الحق و دیگر قائدین خطاب کریں گے.

سراج الحق کا کہنا ہے کہ پی ٹی آئی کی دس ماہ کی کارکردگی سے کسی بہتری کی امید لگانا خود فریبی کے سوا کچھ نہیں ، آئی ایم ایف کے مسلط کردہ ایجنڈے پر کاربند حکومت تیزی سے عوامی حمایت کھورہی ہے۔

واضح رہے کہ رمضان میں بلاول زرداری کی افطار پارٹی میں جماعت اسلامی نے بھی شرکت کی تھی جس میں فیصلہ کیا گیا تھا کہ عید کے بعد حکومت کے خلاف تحریک چلائیں گے اور مولانا فضل الرحمان کی سربراہی میں اپوزیشن کی اے پی سی ہو گی جس میں آئندہ کا لایحہ عمل طے کیا جائے گا. جماعت اسلامی نے افطار پارٹی کے موقع پر ہونے والوں فیصلوں سے بغاوت کرتے ہوئے اے پی سی سے قبل ہی تحریک چلانے کا اعلان کر دیا ہے .

جواب چھوڑیں

آپ کا ای میل ایڈریس شائع نہیں کیا جائے گا.