جمعیت علماء پاکستان (نورانی) کے صوبائی سیکرٹری جنرل نے فواد چوہدری کے بارے میں کیا کہہ دیا

شجاع آباد جمعیت علماء پاکستان (نورانی) کے صوبائی سیکرٹری جنرل علامہ شفیق اللہ البدری نے کہا کہ لاہور کی مسجد وزیرخان میں فواد چوہدری کی موجودگی میں ڈھول بجائے گئے اور ناچا گیا. یہ مسجد کے تقدس کو پامال کیا گیا اور سخت ترین گستاخی ہے. آئے روز مسجد وزیرخان میں اداکار ڈراموں اور فلموں کی شوٹنگ کے لئے شوٹ کرتے ہیں. اور اب تو حد ہوگئ ہے کہ حکومت وقت کا جاہل بدتمیز وزیر فواد چوہدری اپنی سرپرستی میں ڈھول بجا کر رقص کرواتا ہوا نظر آیا ہے. یہ قوم اللہ عزوجل سے جنگ مول لے رہی ہے

ایسی حرکات کرکے جس کا نتیجہ زلزلہ, تباہی اور عزاب الہی کو دعوت دینا ہے. کیا ملک پاکستان میں قانون نافذ کرنے والے ادارے چادر تان کر سو رہے ہیں. ملک پاکستان کو سیکولر غیر اسلامی ریاست بنانے کی روزانہ نئی سازش کی جارہی ہے اور کوئ پوچھنے والا نہیں ہے اور نہ ایسے گستاخوں کو سزا ملتی ہے. فحاشی عریانی اپنے عروج پر ہے. پتنگ مافیا دوبارہ سے بسنت کے نام پر بچوں کے زندگیوں سے کھیل رہا ہے مگر کوئ روکنے والا نہیں ہے. کیوں ملک پاکستان کا امن تباہ کیا جارہا ہے.

ایک طرف مندر کی تعمیر کی جارہی ہے تو دوسری طرف مساجد میں ناچا اور ڈھول بجائے جا رہے ہیں. مسلمانوں کے جزبات مشتعل کئے جارہے ہیں. افواج پاکستان, سپریم کورٹ, حکومت وقت اور حساس ادارے خدارا ملک کو ان سازشی عناصر سے محفوظ رکھیں اور غیر ملکی ایجنسیوں کی سازشوں کو ناکام بنائیں. شریعی عدالت میں فواد چوہدری اور دیگر افراد جو اس رقص و موسیقی میں شامل ہیں مقدمہ چلا کر انکو قرار واقعی سزا دے. ملک پاکستان اسلام کی سربلندی اور نفاذ کے لئے قائم کیا گیا ہے. یہاں ناموس رسالت, تحفظ مقام ختم نبوت, ناموس صحابہ کرام, اہلبیت اطہار و اولیاء اللہ کے لئے مسلمان کوشاں ہیں.

بیرونی ممالک کی سازشیں ملک پاکستان میں انتشار پھیلانا چاہتی ہیں. پاکستان میں بسنے والے مسلمان اور غیر مسلم اقلیتیں پاکستان میں امن و امان کے ساتھ رہ رہے ہیں مگر کفر اپنے مکرو سازشیں کرکے انکو آپس میں لڑوانا چاہتا ہے. دراصل کفر مسلمانوں کی ایک اسلامی خلافت کے قیام سے ڈر رہا ہے جس کی وجہ سے سازشوں کا جال بن رہا ہے. ہم پاکستانی اپنے دین اسلام اور ملک پاکستان کی خاطر اپنی جانوں کا نظرانہ پیش کرنے سے دریغ نہیں کریں گے. ہم اپنی افواج کے شانہ بشانہ کھڑے ہیں اور ملک کی فلاح اور کامیابی کے لئے جدوجہد کرتے رہیں گے

جواب چھوڑیں

آپ کا ای میل ایڈریس شائع نہیں کیا جائے گا.