جمشید دستی جیل سے رہائی کے بعد برس پڑے، وزیراعظم پر سنگین الزام عائد کر دیا

جمشید دستی جیل سے رہائی کے بعد برس پڑے، وزیراعظم پر سنگین الزام عائد کر دیا
باغی ٹی وی کی رپورٹ کے مطابق پاکستان عوامی راج پارٹی کے سربراہ جمشید دستی جیل سے رہائی کے بعد حکومت پر برس پڑے

جمشید دستی کا کہنا تھا کہ جابر حکمرانوں کیخلاف بات کرنے والے کو جیل میں ڈال دیا جاتا ہے، عمران نیازی وزیراعظم کیساتھ ساتھ پیر بھی ہیں، عمران نیازی جھوٹا وزیراعظم ہے جس کا کوئی قول و فعل نہیں، پاکستان گندم پیدا کرنے والا ساتواں ملک ہے لیکن ہمیں گندم باہر سے منگوانی پڑتی ہے۔

ملتان پریس کلب میں میڈیا سے گفتگو کرتے ہوئے جمشید دستی کا مزید کہنا تھا کہ وزیراعظم نے عمر شیخ کو سی سی پی او لاہور لگا کر اپنے بہنوئی کا قبضہ چھڑوایا، ہمیں اپنی چینی باہر سے منگوانی پڑتی ہے، چیئرمین نیب چور ڈاکو ہے، عمران چور چور کرتے رہتے ہیں کیا اب تک کسی چور سے کچھ برآمد کر سکے، جموریت کے نام پر عوام کو بیوقوف بنایا جارہا ہے، یہ سب آمریت کی پیدوار ہیں، تمام حکمران جھوٹے ہیں،

جمشید دستی کا مزید کہنا تھا کہ پی ڈی ایم صرف اقتدار کی جدو جہد کررہی ہے، عوامی راج پارٹی غریب عوام کی آواز ہے، میں نے ہر چوک چوراہوں پر ان حکمرانوں کو بے نقاب کیا ہے، اسامہ بن لادن تو افغانستان میں فوت ہوگیا لیکن پاکستان میں صرف ڈارامہ رچایا گیا، ملک بہت بڑے مسائل کا شکار ہوچکا ہے،

جمشید دستی کا مزید کہنا تھا کہ حکومت نے میڈیا کو بدحال کردیا، ورکرز کو بیروزگار کردیا گیا، پورے صوبے کو برباد کر کے رکھ دیا لیکن کوئی بولنے کو تیار نہیں، حکومت سے جان چھڑانے کے لیے قوم کو اللہ سے معافی مانگنی چاہیے۔،