fbpx

کورونا کے بڑھتے کیسز: جامعہ سندھ جامشورو 8 اگست تک بند کر دی گئی، امتحانات ملتوی

یونیورسٹیز اور بورڈز ڈیپارٹمنٹ ، حکومت سندھ کی جانب سے جامشورو یونیورسٹی کو کورونا کے بڑھتے کیسز کے باعث بند کرنے کا نوٹیفیکیشن جا ری کیا گیا ہے-

باغی ٹی وی : نوٹیفیکیشن کے مطابق کورونا وائرس سے پیدا ہونے والی موجودہ صورتحال کے پیش نظر ، جامعہ سندھ جامشورو اور اس کے تمام حلقے 30 جولائی 2021 سے 8 اگست 2021 تک بند رہیں گے۔

سندھ یونیورسٹی جامشورو اور اس کے کیمپس میں تمام شیڈول سمسٹر امتحانات 30 جولائی 2021 سے 8 اگست 2021 تک ملتوی کر دیے گئے ہیں۔ امتحانات کے نئے شیڈول کا اعلان بعد میں کیا جائے گا۔

شہروں کو ہفتوں بند کرنا مسئلے کا حل نہیں:اسد عمرنے لاک ڈاون حکمت عملی کوناپسند…

نوٹیفیکیشن میں کہا گیا کہ الحاق شدہ کالجوں ، اداروں اور مراکز میں آنے والے امتحانات بھی فوری اثرات کے ساتھ ملتوی کردیے گئے ہیں جبکہ ضروری خدمات کے عملے کے ارکان کوویڈ 19 ایس او پیز کی سختی سے پابندی کے تحت معمول کے مطابق اپنی ذمہ داریاں جاری رکھیں گے۔

دوسری جانب سندھ یونیورسٹی کے ڈائریکٹر انسٹی ٹیوٹ برائے تعلیم کی جانب سے جاری نوٹیفیکیشن میں تمام درخواست گزاروں کو مطلع کیا گیا ہےکہ پی ایچ ڈی (لسانیات اور ادبیات) کے داخلے کے انٹرویو پہلے 3 اگست سے شیڈول کیے گئے تھے حکومت سندھ کی جانب سے کورونا وبا کے باعث نافذ کردہ لاک ڈاؤن اور اس کے نتیجے میں یونیورسٹیاں بند ہونے کی وجہ سے ملتوی کردی گئی ہیں۔ نیا شیڈول بعد میں شیئر کیا جائے گا۔