سادھوکی، مزید 4 لاشیں لئے مارچ اسلام آباد کی جانب چل پڑا

باغی ٹی وی کی رپورٹ کے مطابق تحریک لبیک کا لانگ مارچ ایک بار پھر روانہ ہو چکا ہے، پولیس کی جانب سے زبردست شیکنگ اور رکاوٹوں کے بعد سادھوکی سے کارکنان نے رکاوٹیں ہٹا لی‌ ہیں کنٹینرز ہٹا کر راستہ کلیئر کرلیا گیا اسکے بعد پیدل مارچ کامونکی میں داخل ہو گیا ہے جبکہ گاڑیوں کے لئے مزید راستے کلیئر کروائے جارہے ہیں

حکومت نے تحریک لبیک کے مارچ کو ایک بار پھر روک لیا ہے،سادھوکی کے قریب پولیس کی شلینگ سے کئی کارکنان زخمی ہو گئے ہیں جنہیں ایددھی کے رضا کا ر طبی امداد دے رہے ہیں ، مبینہ اطلاعات کے مطابق سادھوکی میں مزید 4 کارکنان کی موت ہو گئی ہے، جن کارکنان کی موت ہوئی ہے ان میں سے ایک کا تعلق گجرات سے ہے

سادھوکی کے قریب تحریک لبیک مارچ کے شرکاء پر پولیس کی جانب سے شیلنگ کی گئی ،پولیس نے کریک ڈاؤں شروع کر دیا ہے، مرید کے کی جانب سے لاہور کی جانب سے جانیوالی پولیس پہنچ گئی ہے اور مارچ کے شرکا کو گھیر لیا ہے، سادھوکی کے قریب ایک پل کو بھی حکومت نے توڑ دیا ہے تا کہ شرکا آگے نہ جا سکیں،پولیس کی کوشش ہے کہ مارچ کے شرکاء کو آگے نہ جانے دیا جائے، باغی ٹی وی کے رپورٹر فائز چغتائی کے مطابق تحریک لیک کے مارچ کے شرکا کو اس وقت پولیس نے گھیر لیا ہے

https://twitter.com/BaaghiTV/status/1453278595342811138

دوسری جانب تحریک لبیک کی شوریٰ نے سٹیج سے اعلان کیا ہے کہ اب معاہدہ ختم ہو چکا، اب حکومت سے کسی قسم کے کوئی مذاکرات نہیں ہوں گے ، تحریک لبیک کی شوریٰ کی جانب سے کہا گیا ہے کہ ہمارا کوئی بندہ پولیس کو ہاتھ نہ لگائے، انہیں چھوڑ دیا جائے، ہمارا پرامن جلوس ہے، پولیس والون کے ساتھ زیادتی نہ کی جائے رکن شوریٰ و مذاکراتی کمیٹی تحریک لبیک پاکستان علامہ غلام عباس فیضی کا کہنا ہے کہ طاقت کا استعمال کیا گیا تو حالات جو بھی ہوں گے حکومت خود زمہ دار ہوگی ،اداروں سے تصادم نہیں چاہتے پرامن احتجاج آئینی قانونی حق ہے مذاکرات کا عمل حکومت نے سبوتاژ کیا ہم آج بھی اپنے موقف پر قائم ہیں، مارچ کے شرکاء پر عزم اور بلند حوصلوں کے ساتھ اسلام آباد کی طرف رواں دواں ہیں، حکومت نے مذاکرات کے نام پر سیاست کی بار بار معاہدوں سے حکومت خود انحراف ہوئی، رکاوٹیں کھڑی کرکے شرکاء مارچ کو روکا نہیں جاسکتا پہلے بھی طاقت کا استعمال کیا گیا لیکن ڈٹ کر ظلم وبربریت برداشت کی مطالبات کی منظوری کے بغیر کسی صورت واپس نہیں جائیں گے

دوسری جانب تحریک لبیک کے احتجاج کو روکنے کے لیے ایک اور حکمت عملی تیار کر لی گئی ہے،وزارت داخلہ کے احکامات پر ایف آئی اے سائبر کرائم حرکت میں آگیا تحریک لبیک کے سوشل میڈیا ہینڈل کے خلاف کریک ڈاؤن کے احکامات جاری کر دیئے گئے ہیں، ٹویٹر پر تحریک لبیک کے حامیوں کے اکاؤنٹس بند کئے جائیں گے

https://twitter.com/BaaghiTV/status/1453272265697726464

وزیراعظم عمران خان کی زیر صدارت وفاقی کابینہ کا اجلاس جاری ہے ،وفاقی کابینہ اجلاس میں کالعدم تحریک لبیک کے مارچ بارے خصوصی مشاورت کی جا رہی ہے، کابینہ اجلاس میں وفاقی وزیر داخلہ شیخ رشید احمد نے کابینہ کو تحریک لبیک کے ساتھ مذاکرات کے حوالہ سے بریفنگ دی،کابینہ اجلاس میں تحریک لبیک سے پابندی ختم کرنے کے حوالہ سے بھی بات چیت کی جائے گی اور کوئی اہم فیصلہ کیا جائے گا، کابینہ اجلاس کے بعد وفاقی وزیر اطلاعات فواد چودھری میڈیا کو بریفنگ دیں گے، شیخ رشید احمد کی جانب سے بھی بریفنگ متوقع ہے ،

دوسری جانب کالعدم تحریک لبیک پاکستان کا ناموسِ رسالت کے حوالے سے جاری لانگ مارچ مریدکے سے اسلام آباد کی طرف روانہ ہو گیا ہے ،مرید کے سے روانگی سے قبل دعا کروائی گئی،وفاقی وزیر داخلہ شیخ رشید احمد سمیت حکومت کی جانب سے تحریک لبیک کے ساتھ کئے گئے مذاکرات کی ناکامی کے بعد تحریک لبیک کا مارچ اسلام آباد کی جانب روانہ ہوا ہے، مارچ کے شرکاء جمعہ کو لاہور سے نکلے تھے تا ہم مرید کے پہنچنے پر حکومت کی جانب سے کہا گیا تھا کہ دو روز تک مرید کے میں قیام کریں ہم مطالبات مان لیں گے، مارچ کے شرکاء دو روز تک مرید کے میں رہے اور اپنا احتجاج ریکارڈ کرواتے رہے، گزشتہ شب وفاقی وزیر داخلہ شیخ رشید احمد نے پریس کانفرنس کرتے ہوئے کہا کہ ہم تحریک لبیک کے فرانسیسی سفیر کو نکالنے کے علاوہ سب مطالبے مان لیں گے تا ہم ابھی تک حافظ سعد رضوی کی رہائی نہیں ہو سکی، نہ ہی مقدمات ختم کئے گئے

https://twitter.com/BaaghiTV/status/1453263185759383555

تحریک لبیک اور حکومت کے درمیان ڈیڈ لاک برقرار ہونے کی وجہ سے تحریک لبیک کی مجلس شوری نےمارچ کو جاری رکھنے کا اعلان کیا ہے اور مارچ اب مرید کے سے چل پڑا ہے،
مارچ میں گاڑیاں اور کارکنان کی بڑی تعداد موجود ہے،نمائندہ باغی ٹی وی فائز چغتائی کے مطابق مارچ کے شرکاء نعرے لگاتے ہوئے آگے بڑھ رہے ہیں، مارچ کا اگلا پڑاو کامونکی یا گوجرانوالہ ہو سکتا ہے، دوسری جانب حکومت نے جی ٹی روڈ پر جگہ جگہ رکاوٹیں کھڑی کر دی ہیں،راولپنڈی کی رابطہ سڑکیں سیل کر دی گئی ہیں، صدر،لیاقت باغ،شمس آباد،کالج روڈ اور فیض آباد سیل کر دیا گیا ہے

https://twitter.com/BaaghiTV/status/1453280875135840264

تحریک لبیک کی شوری کی طرف سے پوری قوم کو اہم پیغام دیا گیا ہے کہ ہمیں اطلاعات ملی ہیں کہ حکومت دوبارہ آپریشن کی تیاری میں ہیں لبیک والوں پر گولیاں برسانا چاہتے ہیں مزید خون بہانا چاہتے ہیں، قوم ناموس رسالت کے تحفظ کے لئے مارچ میں شریک ہو،حکومت نے لانگ مارچ کو شہری آبادی سے باہر روکنے کیلئے سادھوکی میں ہزاروں سیکورٹی اہلکار تعینات کر دیئے ہیں، سادھوکی کے قریب مارچ کو روکا جا سکتا ہے

کالعدم ٹی ایل پی کے ممکنہ مارچ و فیض آباد دھرنا کی سیکورٹی کا معاملہ ،پنجاب کے چار اضلاع کے ڈی پی اوز کی خدمات آر پی او راولپنڈی کے سپرد کر دی گئیں ڈی پی اوز کو اضافی نفری کے ساتھ آج سے آر پی او راولپنڈی کو رپورٹ کرنے کی ہدایت کی گئی ہے،اور کہا گیا ہے ڈی پی اوز،ایس ایس پیز اپنے ہمراہ دو دوایس ڈی پی اوز،چارچارایس ایچ اوز سمیت اضافی نفری لائیں گے ڈی پی او ٹوبہ ٹیک سنگھ مجیب الرحمان بگھوی کو دو ڈی ایس پیز اور چار ایس ایچ اوز کے ساتھ آج راولپنڈی پہنچیں گے ڈی پی او میانوالی مستنصر فیروز،ڈی پی او خوشاب محمدنوید،اے آئی جی شکایات اسد سرفراز بھی آج راولپنڈی پہنچیں گے یس پی ڈاکڑ فہد بٹالین ٹو پنجاب کانسٹیبلری روات،ایس پی سی ٹی ڈی ڈاکٹر رضوان بھی آج راولپنڈی پہنچیں گے ڈی پی او بہاولپور فیصل کامران کو بھی راولپنڈی ریجن پہنچنے کی ہدایات،لیاقت باغ کے باہر سیکورٹی ڈیوٹی سر انجام دیں گے آئی جی پنجاب کے حکم پر اے آئی جی آپریشنز پنجاب نے متعلقہ افسران کو مراسلہ بجھوا دیا

لانگ مارچ کو روکنے کے لیے دریا جہلم پل سرائے عالمگير سے انٹری پوائنٹ کو بند کردیا گیا،ممکنہ لانگ مارچ کو روکنے کے لئے دریائے جہلم کے پل پر دونوں اطراف حفاظتی دیواریں توڑ دی،جی ٹی روڑ پر دریائے جہلم کا پل 2 اضلاع کو آپس میں ملاتا ہے،ایک ساٸیڈ سرائے عالمگیر اور دوسری ساٸیڈ پر جہلم واقع ہے،پل کے درميان سرائے عالمگير کی جانب پل کے وسط میں ٹرالر اور کنٹینر کھڑے کردے گٸے،پوليس سرکل سرائے عالمگير کی بھاری نفری پل کے دونوں اطراف تعینات کی گئی ہے،دریائے جہلم کے دونوں اطراف حدود سرائے عالمگير کی جانب خندقیں کھودنے کی تیاری کی جا رہی ہے،علاقہ مکینوں سمیت شہری مسافراور ٹرانسپورٹر حکومت کے اس اقدام سے سخت مشکلات کا شکار ہیں

واضح رہے کہ اس سے قبل سید سرور شاہ سیفی نے کہا کہ کل شیخ رشید نے جھوٹ بولا کہ معاملات طے پا گئے ہیں،8 بجے رابطے کا بھی جھوٹ بولا کل سے اب تک شیخ سمیت کسی بھی حکومتی ذمہ دار نے رابطہ نہیں کیا-مرکزی شوریٰ تحریک لبیک کے رہنما سید سرور شاہ سیفی نے کہا کہ پوری قوم حکومتی بدنیتی دیکھ لے فرانس نے سرکاری سطح پر گستاخی کی ہم سرکاری سطح پر اس کا جواب چاہتے ہیں انہوں نے سوال اٹھایا کہ کیا یہ مدینہ کی ریاست کے دعویدار فرانس کو جواب دینے سے بھی قاصر ہیں؟ یہ اتنے غلام بن چکے یہود و نصاریٰ کے؟ انہوں نے مزید کہا کہ سب چھوڑو تم نے معاہدہ کیا فرانسیسی سفیر نکالنے کا اب معاہدہ پورا کرو-مرکزی شوریٰ تحریک لبیک کا کہنا تھا کہ ہم نے اس مرتبہ بھی گھنٹے کے کام میں 3 دن دیئے اور معاہدے کی پاسداری کی ہم 40 شہید دے چکے مزید خون بہا تو مطالبات بڑھ جائیں گے- سید سرور شاہ سیفی کا کہنا تھا کہ اس بد عہد، جھوٹی اور منافق حکومت سے قوم کی جان چھڑوائی جائے گی بہتر ہے کہ معاہدہ پورا کرو علامہ سعد حسین رضوی آئیں اور ہم دعا کر کے واپس چلے جائیں و رنہ کچھ دیر میں ناموس رسالتﷺ مارچ آگے اپنی منزل کی طرف بڑھے گا-
مرکزی شوریٰ تحریک لبیک کا کہنا تھا کہ قوم کیساتھ جھوٹ نہ بولو ہمارے ساتھ کوئی مذاکرات نہیں کئے جا رہے حکومت مذاکرات میں سنجیدہ نہیں، لیکن اب مزید خون بہایا گیا تو بدلہ لیا جائے گا-

مرکزی شوریٰ تحریک لبیک کے رہنما مفتی وزیر رضوی کا کہنا تھا کہ قوم دیکھ لے کہ اس کپتان وزیراعظم کو قوم یا ملک سے کچھ لینا دینا نہیں مفتی وزیر رضوی نے کہا کہ 39 نعشیں اس قوم کے افراد کی بچھا کر عمران خان میچ دیکھتے ہوئے کہتا ہے لبیک والوں سے کہو آ جائیں اسلام آباد ،فرانس کی خاطر اپنے ملک کے 39 افراد شہید کر دئیے جس میں سب کم عمر جوان تھے-مرکزی شوریٰ تحریک لبیک نے کہا کہ قوم جان لے یہ بے ایمان نہ تو ملک کے وفادار ہیں نا قوم کے اور کپتان تو ملک میں افراتفری خانہ جنگی کے لئے پلانڈ ہے مفتی وزیر رضوی نے کہا کہ ہم تو رک گئے تھے جہلم کے پل کس نے توڑے، کنٹینر سے ملک کس نے بند کیا مزید اگر کوئی خون بہا تو سب کی ذمہ دار عمران خان کی ظالم حکومت ہو گی-انہوں نے خبردار کیا کہ ہم پھر بتا رہے ہیں اب اگر خون بہا تو ذمہ دار حکومت ہو گی، ہم نے 3 مرتبہ پہلے یہ چوتھا معاہدہ کیا ہر مرتبہ پاسداری کی آخری مرتبہ بھی 3 دن مریدکے رکے یہ بے ایمان، بدعہد اور منافق عمران خان اور اسکے چٹو وٹوں کو قوم جان لے-

لاہور سے نکلتے وقت پولیس کے ساتھ جھڑپوں میں تحریک لبیک کے آٹھ کارکنان کی موت ہوئی ہے جبکہ دو پولیس اہلکار بھی جان کی بازی ہار چکے ہیں، مرنیوالوں کی گزشتہ روز مرید کے میں ہی نماز جنازہ ادا کی گئی،مرید کے میں ملک بھر سے تحریک لبیک کے کارکنان کی آمد جاری ہے، مارچ کے شرکا میں اضافہ دیکھنے میں آیا ہے

تحریک لبیک کی شوریٰ نے مرید کے کینٹینر سے اعلان کیا ہے کہ خندقیں کھودنا، کنٹینر منگوانا اور افراتفری پھیلانا یہ حکومت کا کام ہے، فورتھ شیڈول، علما پر پرچے، لاٹھی گولی نا منظور ہے، کارکنان جتنا جلد ہو سکے قائد محترم کیلئے مریدکے پڑاؤ ناموس رسالتﷺ مارچ پہنچیں ، تحریک لبیک کی شوریٰ نے دعویٰ کیا ہے کہ حکومت نے وزیراعظم کی واپسی تک وقت مانگا ہے جس پر ہم نے وقت دے دیا ، وزیراعظم سعودی عرب سے واپس آئیں پھر حکومت معاہدہ پورا کرے گی اگر پورا نہ کیا گیا تو پھر اسلام آباد ہی منزل ہے ،حکومت نے ہمیں یقین دہانی کروائی ہے کہ حافظ سعد رضوی سمیت تمام گرفتار شدگان کو رہا کیا جائے گا اور فورتھ شیڈول سے نام نکالے جائیں گے،

واضح رہے کہ تحریک لبیک پر حکومت نے پابندی لگا دی تھی تحریک لبیک کے سربراہ حافظ سعد رضوی جو علامہ خادم حسین رضوی کے صاحبزادے ہیں کو 12 اپریل کو اسکیم موڑ چوک لاہورسے گرفتار کیا گیا تھا ،پولیس نے حافظ سعد رضوی کو 16 اپریل کا احتجاج روکنے کے لیے حراست میں لیا کیونکہ حکومت کے ساتھ ان کے مذاکرات ناکام ہوگئے تھے اور فرانسیسی سفیر کو ملک بدر کرنے سے متعلق تحریک لبیک نے اپنے موقف سے پیچھے ہٹنے سے انکار کردیا تھا

سعد رضوی کی گرفتاری کے بعد ملک بھر میں ہنگامہ آرائی ہوئی، اور حکومت نے تحریک لبیک پر پابندی لگا دی، پابندی کے خلاف تحریک لبیک نے اپیل دائر کی ہے جس پر حکومت فیصلہ دے گی تاحال حافظ سعد جیل میں بند ہیں اور انکی جماعت پر پابندی عائد ہے

علامہ خادم حسین رضوی نے ناموس رسالت کے عنوان پر مسلمان قوم میں بیداری پیدا کی،مولانا معاویہ اعظم طارق

تحریک لبیک کا دھرنا، کارکنان گرفتار،کیا خادم حسین رضوی کو گرفتار کر لیا گیا؟

کسی کو نہیں چھوڑیں گے، مذہبی جماعت کیخلاف بڑے فیصلے ہو گئے، شیخ رشید

تحریک لبیک دھرنا،راستے بند ہونے پر ٹریفک کا متبادل روٹ جاری

حکومت کیلئے نئی مشکل، تحریک لبیک کا ناموس رسالت مارچ کا اعلان

سعد رضوی کی گرفتاری کی ویڈیو سامنے آ گئی

تحریک لبیک کے کارکنان سڑکوں‌ پر نکل آئے،لاہور بند،ملک جام کرنیکا اعلان

لاہور سمیت مختلف علاقوں میں تشدد،بلاول بھی میدان میں‌ آ گئے

کالعدم مذہبی جماعت اور حکومت میں مذاکرات کامیاب،کیا ہوئے فیصلے؟

فرانسسیسی سفیر کی ملک بدری کی قرارداد ،بڑی سیاسی جماعت کا اجلاس میں شرکت نہ کرنیکا فیصلہ

تحریک لبیک کے سربراہ حافظ سعد رضوی رہا؟

کس کس کو رہا کیا جا رہا ہے؟ شیخ رشید کا کالعدم مذہبی جماعت بارے بڑا اعلان