او آئی سی، اقوام متحدہ ،عالمی دنیا خاموش کیوں،پاکستان قائدانہ کردار ادا کرے، نائب صدر مرکزی مسلم لیگ
مرکزی مسلم لیگ کے نائب صدر حافظ طلحہ سعید نے اسرائیل کی جانب سے غزہ کی بجلی کی بندش کی مذمت کرتے ہوئے کہا ہے کہ اسرائیل کا یہ اقدام غزہ کے معصوم شہریوں کو کھلے عام موت کے منہ میں دھکیلنے کے مترادف ہے، عالمی دنیا اس پر خاموش رہنے کی بجائے غزہ کے باسیوں کی بجلی بحال کروائے. اسرائیل جنگ بندی کے نام پر بھی دوغلی پالیسی اختیار کئے ہوئے ہے.
ان خیالات کا اظہار انہوں نے مقامی ہال میں افطار ڈنر کی تقریب سے خطاب کرتے ہوئے کیا.افطار ڈنر کی تقریب میں سماجی و مذہبی شخصیات سمیت شہریوں کی بڑی تعداد نے شرکت کی،اس موقع پر حافظ طلحہ سعید کا کہنا تھاکہ غزہ پہلے ہی انسانی بحران کا شکار ہے،اسرائیلی بمباری کی وجہ سے غزہ میں مکمل تباہی ہو چکی ہے، ہسپتالیں ،تعلیمی ادارے ،گھر سب تباہ ہیں، ایسے میں بجلی کی بندش سے غزہ کے باسیوں کی زندگی مزید اجیرن ہو رہی ہے. ہسپتالوں میں مریضوں کی موت کا خدشہ ہے. اسرائیل جنگ بندی کے اصولوں کی خلاف ورزی کر رہا ہے.او آئی سی، اقوام متحدہ سمیت دنیا کو چاہئے کہ وہ غزہ میں بجلی کی بحالی اور دیگر بنیادی ضروریات کی فراہمی کی بحالی کے لئے دباؤ ڈالیں،
حافظ طلحہ سعید کا مزید کہنا تھا کہ پاکستانی حکومت بھی خاموش رہنے کی بجائے جراتمندانہ اور قائدانہ کردار ادا کرے۔ مرکزی مسلم لیگ فلسطینی بھائیوں کی تحریک کی حمایت جاری رکھے گی، فلسطینی اپنی آزادی کی جنگ لڑ رہے ہیں. وہ دن دور نہیں جب فلسطینی مسلمان کھلی فضا میں سانس لیں گے.
