fbpx

جنت مرزا کی بہن کا بشریٰ انصاری کو شوبزچھوڑ کر گھر بیٹھنے کا مشورہ

پاکستان کی معروف ٹک ٹاک اسٹار علشبہ انجم اپنی بہن جنت مرزا کا ساتھ دینے میدان میں آ گئیں-

باغی ٹی وی : اس حوالے سے گزشتہ روز علشبہ انجم نے انسٹاگرام پر لائیو سیشن کے دوران کہا کہ ہمیں معلوم ہے جنت سے غلطی ہوئی ہے اور وہ اپنی غلطی پر بہت اُداس اور شرمندہ بھی تھی جس کے بعد جنت نے پوری مسیحی برادری سے معافی مانگی۔

علشبہ انجم نے کہا کہ جنت کی معافی کے بعد اُن لوگوں نے اُسے معاف کیا جن کی دل آزاری ہوئی تھی اور پھر یہ معاملہ جنت کی معافی کے بعد ختم ہوگیا تھا۔

علشبہ نے کہا کہ اب بشریٰ انصاری کہہ رہی ہیں جنت کو اسلام کے بارے میں کچھ نہیں معلوم اور جنت کو جاہل کہہ رہی ہیں۔

ٹک ٹاک اسٹار نے کہا کہ الحمداللہ! ہمیں اسلام کے بارے میں بہت کچھ معلوم ہے، آپ ہمارے گھر میں نہیں رہتی جو آپ اس طرح ہم پر الزام لگا رہی ہیں۔

جنت مرزا کی بہن نے کہا کہ ہمیں معلوم ہے کہ ہم گناہ گار ہیں کیونکہ ہم گانوں پر ٹک ٹاک ویڈیوز بناتے ہیں لیکن آپ بھی تو اداکاری کرتی ہیں۔

علشبہ انجم نے کہا کہ اسلام میں عورت کے لیے پردے کا حکم دیا گیا ہے تو آپ اداکاری اور شوبز کی دُنیا چھوڑ کر گھر میں بیٹھیں۔

واضح رہے کہ گزشتہ دنوں جنت مرزا نے ویڈیو میں ایک نجی برانڈ کا لباس زیب تن کیا تھا اور ایک چین پہنی تھی جس پر عیسائی مذہب کا نشان بنا ہوا تھا۔

جنت مرزا کی یہ ٹک ٹاک ویڈیو وائرل ہوئی تو عیسائی برادری کی جانب سے دعویٰ کیا گیا کہ ٹک ٹاک اسٹار نے اُن کے مذہب کی توہین کی ہے اور اُن کے خلاف مقدمہ درج کردیا گیا۔

اس کے بعد جنت مرزا نے اپنے خصوصی ویڈیو پیغام میں اپنے عیسائی دوستوں، ٹک ٹاکرز اور پوری برداری سے معافی مانگی جس کے بعد یہ معاملہ ختم ہوگیا۔

اب گزشتہ روز پاکستان شوبز انڈسٹری کی سینئر اداکارہ بشریٰ انصاری نے سوشل میڈیا سائٹ انسٹاگرام پر جنت مرزا کو تنقید کانشانہ بناتے ہوئے جاہل قرار دیا تھا-

واضح رہے کہ اس سے قبل جنت مرزا نے بھی بشری انصاری کے تبصرے پر سخت ردعمل دیا تھا-

جنت مرزا نے اپنے انسٹاگرام اسٹوری میں بشریٰ انصاری کو مخطب کرتے ہوئے لکھا تھا کہ اماں جی یہ بالکل ٹھیک نہیں ہے ، براہ کرم کسی کو جاننے سے پہلے کسی کا فیصلہ نہ کریں-

لالی ووڈ کی ابھرتی ہوئی اداکارہ نے لکھا تھا کہ بشریٰ آنٹی میں آپ کا بہت احترام کرتی ہوں لیکن آپ حقائق کو جانے بغیر کسی کو بدنام نہیں کرسکتیں! اسلام کی بات آپ کیسے کر سکتی ہیں آنٹی آپ کوئی تبلیغی جماعت نہیں چلا رہیں آپ بھی گانے گاتی ہیں ڈانس کرتی ہیں ایوارڈ شوز پر ڈانس پرفارمنس آپ نے کئے لیکن آج دوسروں پر تنقید واہ؟ –

جنت مرزا نے مزید لکھا تھا کہ آج احساس ہوا واقعی آپ کے پاس دل نہیں ہے میں بس اتنا کہوں گی کہ کسی پر تنقید کرنے سے پہلے اپنے گریبان میں ضرور جھانک لیں کبھی کسی کو لعنت اور کبھی کسی کو بُرا کہنا کہ وہ اللہ کرے تو مر جائے۔ یہ بالکل ٹھیک نہیں ہے ۔

ٹک ٹاکر نے کہا تھا کہ وقت نکال کر پہلے حقیقت جانئے پھر تنقید کر لیجیے گا اللہ خوش رکھے آپ کو اماں جی-

بشریٰ انصاری نے نمبر ون ٹاک ٹاکر جنت مرزا کو جاہل کیوں قرار دیا؟

بشریٰ انصاری کے تبصرے پر جنت مرزا کا سخت رد عمل