جشن آزادی 2019ء‘ طلبا و طالبات میں تقریری مقابلہ 6اگست کو منعقدہوگا

جشن آزادی 2019ء‘ طلبا و طالبات میں تقریری مقابلہ 6اگست کو منعقدہوگا

ملتان ۔ 04 اگست (اے پی پی)ملتان آرٹس کونسل ملتان اور ڈسٹرکٹ ایجوکیشن اتھارٹی ملتان کے زیر اہتمام جشن آزادی 2019 کے سلسلے میں مورخہ6 اگست بروز منگل صبح 9 بجے 15 سال تک کی عمر کے سکولوں کے طلباو طالبات کے درمیان تقریری مقابلہ بعنوان;34; میں اور میرا پاکستان;34;منعقد ھوگا جس میں ملتان ڈویژن سے تعلق رکھنے والے طلبا اور طالبات حصہ لے سکیں گے ۔

اسی طرح مورخہ 7 اگست بروز بدھ کو صبح 9 بجے ملی نغوں کا مقابلہ سکولوں کے طلباو طالبات اور 15 سال تک کی عمر کے بچوں کے درمیان منعقد ھوگا ۔ تقریری اور ملی نغموں کے ان مقابلوں میں اول ;39;دوئم اور سوئم آنے والے بچوں کو ٹرافیاں اور انعامات دیئے جائیں گے جبکہ حوصلہ افزاء کے انعامات ان کے علاوہ ہوں گے ۔ تقریری مقابلے کا دورانیہ 3 سے 5 منٹ ھوگا ۔ ملی نغمے قومی و علاقائی زبانوں میں پیش کیئے جاسکیں گے ۔ ججز کا فیصلہ حتمی ھوگا ۔ شرکت کے خواھشمند بچے اپنا نام 5 اگست تک ملتان آرٹس کونسل میں درج کراسکتے ہیں ۔