فواد چوہدری کی بدمعاشی پرپاکستان برابری پارٹی کے چیئرمین جواد احمد کا خوبصورت جواب

لاہور:پاکستان برابری پارٹی کے چیئرمین جواد احمد وفاقی وزیرفواد چوہدری کی گھٹیا اوربدتمیزانہ حرکت پرخاموش نہ رہ سکے ،جواد احمد کہتے ہیں کہ عمران خان نے توبدمعاش وزیرپال رکھے ہیں، ان کوتمیز نہیں وہ لوگوں کی پگڑیاں اچھالتےہیں اورپھروزارت کی آڑمیں بدمعاشیاں کرتے ہیں

فوادچوہدری نےپھرایک اورصحافی مبشرلقمان کوتھپڑماراہے۔یہ بدمعاشی،غنڈہ گردی کی انتہاہے۔میں نےبارہاکہاہےکہ عمران خان بدلحاظ،بےاوقات لوگوں کواپنی پارٹی میں لاۓہیں اوروہ خودبھی اپنےناقدین کوچپ کرانےکےلیےایسےرویوں کی حوصلہ افزائی کرتےہیں۔انہوں نےپاکستان کےنوجوانوں کااخلاق تباہ کردیاہے۔

— Jawad Ahmad (@jawadahmadone) January 5, 2020

جواد احمد کہتے ہیں کہ بڑے دکھ کی بات ہےکہ فواد احمد چوہدری نے ایک معزز،مہذب اورسینئرصحافی مبشرلقمان کوتھپڑ نہیں مارا پوری قوم کے منہ پررسید کیا ہے، عمران خان نے ایسے وزیرپال رکھے ہیں ، جن کو کوئی شرم حیااورکسی کی عزت کا خیال نہیں

جواد احمد کہتے ہیں کہ عمران خان نے فواد چوہدری جیسے بدتمیزشخص کووزیربنارکھا ہے،اس سے توپھریہی معلوم ہوتا ہےکہ عمران خان بھی اس سوچ اورفکر کےمالک ہیں ، جواد احمد نے مزید کہا کہ وہ اس قسم کے رویوں کی بھرپورمذمت کرتے ہیں جہاں انسانوں کی عزت وتکریم کی پرواہ نہ کی جاتی ہے