میں جب بھی مقابلے میں آتا ہوں تو آگے جانے کا سوچتا ہوں ،پرویز خٹک

نوشہرہ: چیئرمین پاکستان تحریک انصاف پارلیمنٹیرین پرویز خٹک کا کہنا ہے کہ اپنے امیدواروں کے علاوہ بہت سے آزاد امیدوار رابطے میں ہیں، کسی سے رابطہ نہیں کرتا سب مجھ سے رابطہ کرتے ہیں-

باغی ٹی وی: نوشہرہ میں پریس کانفرنس کرتے ہوئے پرویز خٹک کا کہنا تھا کہ مجھے یقین ہےکہ 8 فروری کو خیبرپختونخوا میں بڑی تبدیلی آئےگی، مقابلہ کرتے وقت کوئی بھی شکست کے بارے میں نہیں سوچتا، میں جب بھی مقابلے میں آتا ہوں تو آگے جانے کا سوچتا ہوں ، اندازہ ہے خیبرپختونخوا میں میری حکومت بنےگی، ہمارے ایجنڈے میں سب سے پہلے عام آدمی کے مسائل کا حل ہے-

پرویز خٹک کا کہنا تھا کہ وزارت اعلیٰ کا دعویدار اس لیے ہوں کہ اپنے امیدواروں کے علاوہ بہت سے آزاد امیدوار رابطے میں ہیں، کسی سے رابطہ نہیں کرتا سب مجھ سے رابطہ کرتے ہیں، الزامات لگانا آسان ہے، میرے خلاف پری پول رگنگ کے ثبوت ہیں تو پیش کریں، سب دیکھ رہےہیں کہ الیکشن میں کس آراو نے میری مددکی ہے، میرے ساتھ اللہ کی مدد ہے،کسی آر او یا سرکاری اہلکار کی نہیں۔

الیکشن کمیشن اور انتظامیہ نواز شریف کی مدد کر رہے ہیں،عمرا ن خان

انڈین گلوکار کا لائیو کنسرٹ کے دوران مظلوم فلسطینیوں سے اظہار یکجہتی

ممنوعہ بور کے اسلحہ لائسنس لاکھوں روپے لے کر بنائے گئے ،سینیٹر بہرمند تنگی کا …