fbpx

جب جیکی شروف کو فلم کی ناکامی کا نقصان پورا کرنے کیلئے اپنا ذاتی سازوسامان فروخت کرنا پڑا

بالی وڈ کو درجنوں کامیاب فلمیں دینے والے سینئیر اداکار جیکی شروف کی ایک فلم ایسی بھی تھی جس کے ناکام ہونے کے بعد نقصان کو پورا کرنے کے لیے جیکی شروف اور ان کی اہلیہ عائشہ شروف کو اپنا سازو سامان فروخت کرنا پڑا۔

باغی ٹی وی : بھارتی میڈیا سے گفتگو کرتے ہوئے جیکی شروف کے بیٹے ٹائیگر شروف نے بتایا کہ بالی وڈ فلم’ بوم‘ کی ریلیز کے وقت ان کی فیملی ایک خاص مشکل میں پھنس گئی تھی، وہ فلم ان کی والدہ عائشہ شروف نے پروڈیوس کی تھی۔

ٹائیگر شروف نے بتایا کہ فلم باکس آفس پر بری طرح ناکام رہی اور میرے والدین کو نقصان پورا کرنے کے لیے اپنا ذاتی سازوسامان بھی فروخت کرنا پڑا۔

بعد ازاں ایک اور انٹرویو میں ٹائیگر شروف سے سوال کیا گیا کہ وہ کون سا خاص کام ہے جو انہوں نے آف اسکرین سرانجام دیا ہے ؟ اس پر اداکار نے بتایا کہ میرے خیال میں والدین کے لیے گھر خریدنا انہوں نے مجھے بہترین بچپن دیا اور انہیں گھر دینا میری جانب سے ایک چھوٹا سا عمل ہے۔

ٹائیگر شروف کا کہنا تھا کہ میری والدہ ہمیشہ سے ہی اپنے لیے ایک گھر خریدنا چاہتی تھیں لہٰذا میں نے ان کے لیے اور والد جیکی شروف کے لیے گھر خریدا، میرے خواب ان کے خواب ہیں اور میں ان پر توجہ رکھے ہوئے ہوں۔

اداکار نے کہا کہ والدہ میری موٹیویشن اور انسپریشن ہیں، میں انہیں خوش رکھنے اور محفوظ بنانے کے لیے سخت محنت کررہا ہوں۔

خیال رہے کہ بالی وڈ فلم بوم کو 2003 میں ریلیز کیا گیا تھا اور اس فلم سے ہی بالی وڈ کی خوبرو اداکارہ کترینہ کیف نے بالی وڈ میں ڈیبیو کیا تھا۔

ٹائیگر شروف کی نئی فلم ہالی ووڈ فلم ’’ہٹ مین‘‘ کی کاپی؟

ٹائیگر شروف اور دیشا پٹانی کی شادی سے متعلق خبروں پر جیکی شروف کا ردعمل

جواب چھوڑیں

آپ کا ای میل ایڈریس شائع نہیں کیا جائے گا.