fbpx

فلم انڈسٹری میں سب کے بچے ایک بار جیل جائیں گے تب جاکر یہ اتحاد دکھائیں گے،میکا سنگھ بالی ووڈ پر برس پڑے

بھارتی گلوکار میکا سنگھ بالی ووڈ کنگ شاہ رخ خان کے بیٹے آریان خان کی گرفتاری پر خاموش رہنے پر بالی ووڈ اسٹارز پر برس پڑے-

باغی ٹی وی : میکا سنگھ نے سماجی رابطے کی ویب سائٹ ٹوئٹر پر شاہ رخ خان کا ساتھ نہ دینے پر فلم انڈسٹری کو آڑے ہاتھوں لینے والے سنجے گپتا کے پیغام پر اپنا ردِعمل دیا ٹوئٹر پر سنجے گپتا نے پیغام لکھا تھا جس میں انہوں نے آریان خان کی گرفتاری کو شرمناک قرار دیا۔

سنجے گپتا نے اپنے پیغام میں لکھا تھا کہ شاہ رخ خان نے ماضی میں فلم انڈسٹری میں ہزاروں لوگوں کو روزگار دیا اور یہ سلسلہ جاری ہے شاہ رخ فلم انڈسٹری کے ہر مقصد کے لیے کھڑے رہے۔ اور ایسے موقع پر فلم انڈسٹری کی خاموشی شرمندگی سے کم نہیں ہے۔


اس پیغام پر میکا سنگھ نے جواب میں اُن سے اتفاق کرتے ہوئے کہا کہ بھائی آپ بالکل درست کہہ رہے ہیں یہ تمام لوگ ڈراما دیکھ رہے ہیں اور اس تمام تر معاملات پر ایک لفظ تک نہیں کہہ سکتے۔

انہوں نے شاہ رخ خان کی حمایت کرتے ہوئے کہا کہ میں ایس آر کے کے ساتھ ہوں، اور ان کے بیٹے کو ضمانت ملنی چاہیے فلم انڈسٹری میں سب کے بچے ایک بار جیل جائیں گے، تب جاکر یہ اتحاد دکھائیں گے۔

واضح رہے کہ نارکوٹکس کنٹرول بیورو منشیات کیس میں اداکار شاہ رخ خان کے بیٹے آریان خان سمیت تمام گرفتار ملزمان کے مالی لین دین کی بھی تحقیقات کر رہی ہے ۔ اس کے لئے ملزموں کے موبائل فون، لیپ ٹاپ اور دیگر الیکٹرانک آلات سے ڈیلیٹ کئے گئے پیغامات اور واٹس اپ چیٹ کو نکالا جا رہا ہے تا کہ تحقیقات میں کچھ نیا سامنے آ سکے،نارکوٹکس کنٹرول بیورو کا یہ بھی کہنا ہے کہ 26 اکتوبر کو ممبئی ہائیکورٹ میں آریان خان کی ضمانت کی مخالفت کی جائے گی

Facebook Notice for EU! You need to login to view and post FB Comments!