جب تک چھوٹے صوبے ترقی نہیں کریں گے پاکستان کی ترقی نہیں کہلائے گی شہباز شریف

0
33

قومی اسمبلی میں قائد حزب اختلاف اور مسلم لیگ ن کے صدر شہباز شریف کا کہنا ہے کہ جب تک چھوٹے صوبے ترقی نہیں کریں گے پاکستان کی ترقی نہیں کہلائے گی۔

باغی ٹی وی : شہباز شریف نے مزار قائد پر حاضری کے موقع پر میڈیا سے گفتگو کرتے ہوئے کہا کہ اللہ نے پاکستان ہمیں انعام کے طور پر عطا کیا یہاں پر قانون کی حکمرانی ہو گی اور سب کو محنت کا پھل ملے گا۔

قائد حزب اختلاف نے کہا کہ ہم نے 20، 20 گھنٹے کی لوڈشیڈنگ کسی جادو ٹونے سے ختم نہیں کی تھی لوڈشیڈنگ نواز شریف کی محنت اور جدوجہد سے ختم ہوئی تھی گرین لائن مسلم لیگ ن کا منصوبہ تھا جو ہم نے سندھ اورکراچی کے عوام کو تحفہ دیا۔

افغانستان میں انڈیا کی شرمناک شکست: بی جے پی کے سینئیر رہنما اپنے ہی نیشنل سیکیورٹی ایڈوائزر کیخلاف…

شہباز شریف نے کہا کہ موجودہ حکومت چور دروازے سے آئی ہے جبکہ مسلم لیگ ن نے سندھ کے لیے تاریخی کام کیے اور اگر موقع ملا تو کراچی کو ایشیا کا پیرس بنائیں گے-

شہبازشریف نے کہا کہ کراچی کے ساتھ سوتیلی ماں والا سلوک کیا گیا، کراچی میں پانی کی بدترین صورتحال ہے، صوبے کو کام کرنے کا موقع دیں، روڑے اٹکانا عوام کی خدمت نہیں ہے۔

انہوں نے کہا کہ کراچی پر قانون کی حکمرانی ہوگی، ہر ایک کو محنت کا صلہ ملے گا، قائد اعظم کی جدوجہد اور قربانیوں سے پاکستان انعام میں ملا-

شہباز شریف نے کہا کہ ملک میں مہنگائی بڑھ گئی ہے اور ہم شرمندہ ہیں قائد کے افکار کو فراموش کیا قائد کا پاکستان 2 ٹکڑے ہو گیا لیکن ہم نے سبق نہیں سیکھا قائد اعظم نے ایک فلاحی ریاست کے قیام کا خواب دیکھا تھا لیکن آج ہم حقیقی منزل سے بہت دور ہیں۔

شہباز شریف نے کہا کہ ہمیں اقوام عالم میں ممتاز مقام حاصل کرنا تھا، ہم آج بھی منزل سے بہت دور ہیں، ہم عہد کریں تو دیانت اورمحنت سے اپنا کھویا مقام حاصل کرلیں گے، ہم وہ ریاست چاہتے ہیں ملک میں عدل و انصاف ہو، غربت کا خاتمہ ہو، وسائل کی منصفانہ تقسیم ہو۔

شہباز شریف نے کہا کہ 2023 کے انتخابات شفاف ہونے چاہیئیں اور آئندہ عام انتخابات میں تمام سیاسی جماعتوں کو ملک کی خدمت کرنے کا موقع ملنا چاہیےموجودہ حکومت نالائق اور نااہل ہے گزشتہ 74 سال میں اسٹیبلشمنٹ نے کسی کو اتنا سپورٹ نہیں کیا جتنا اس حکومت کو کیاعوام جس حکومت کو موقع دیں انہیں خدمت کا موقع دینا چاہیے۔

سندھ بھرمیں تعلیمی ادارے آج سے کھل گئے

قائد حزب اختلاف نے کہا کہ پیپلز پارٹی ایک سیاسی جماعت ہے، ایک حقیقت ہے، تمام سیاسی جماعتوں نے مجھے لیڈر آف دی اپوزیشن بنایا ہے، میں اپوزیشن لیڈر ہوں، میرا فرض ہے تمام جماعتوں کو ساتھ لے کر چلوں حکومت کےاحتساب میں سب دوست ساتھ دے رہے ہیں، میں ان کا شکرگزار ہوں-

افغانستان پر تبصرہ کرتے ہوئے انہوں نے کہا کہ افغانستان کی صورتحال سب کے سامنے ہے اورافغانستان میں افغان عوام کو اپنی قسمت کا فیصلہ خود کرنا ہے-

Leave a reply