جعلی اکاؤنٹس کیس،انور مجید کی درخواست ضمانت پر سپریم کورٹ میں ہوئی سماعت

0
22

جعلی اکاؤنٹس کیس،انور مجید کی درخواست ضمانت پر سپریم کورٹ میں ہوئی سماعت

باغی ٹی وی کی رپورٹ کے مطابق سپریم کورٹ میں جعلی بینک اکاﺅنٹس کیس کے ملزم انور مجید کی درخواست ضمانت پر سماعت ہوئی، جسٹس عمر عطابندیال کی سربراہی میں 3 رکنی بنچ نے سماعت کی،

جسٹس عمر عطابندیال نے کہا کہ درخواست میں طبی بنیاداورکیس میرٹ پر ضمانت کی استدعا کی گئی ہے،زیرعلاج ہونے کے باعث انور مجید تحقیقات میں شامل نہیں ہوئے،عدالت کیس میرٹ کو کیسے دیکھ سکتی ہے؟۔

وکیل انور مجید نے کہا کہ ایف آئی اے میں کیس2018 سے چل رہا تھا ،جسٹس عمر عطابندیال نے کہا کہ آپ پرانی باتوں کو چھوڑیں اپنے الزامات کا جواب دیں ،انور مجید نے سپریم کورٹ سے بھی تعاون نہیں کیا،کیامیڈیکل رپورٹس کو اس مرحلے پر دیکھا جا سکتا ہے؟

میں ملنے گئی تو زرداری وہیل چیئر سے اٹھے، پولیس نے کہا دفعہ ہو جاؤ، آصفہ بھٹو

آصف زرداری کا طبی معائنہ، کونسی بیماری اور ڈاکٹر نے کیا تجویز کیاِ؟

جسٹس مظہر عالم نے کہا کہ ہائیکورٹ نے علاج کے حوالے سے کوئی فیصلہ نہیں دیا ،جسٹس فیصل عرب نے کہا کہ انور مجید کے ہسپتال میں ہونے کے باعث تحقیقات مکمل نہیں ہوئیں ،آپ علاج کیلئے بیرون ملک بھی جانا چاہتے ہیں .

وکیل انور مجید نے کہا کہ ملزم ایک ماہ سے سی سی یو میں زیرعلاج ہے سرجیکل ٹریٹمنٹ کیلئے بیرون ملک جانا ضروری ہے ،جسٹس فیصل عرب نے کہا کہ آپ کو کیس میں ہائیکورٹ کافیصلہ ختم کرکے واپس بھجواناہوگا ۔

سپریم کورٹ نے انور مجید کی درخواست پر نیب کو نوٹس جاری کردیا،عدالت نے کہا کہ کیس کو جلد دوبارہ سماعت کیلئے مقرر کیا جائے

واضح رہے کہ سال 2015 کے جعلی اکاؤنٹس اور فرضی لین دین کے مقدمے کے حوالے سے سابق صدر اور پاکستان پیپلز پارٹی (پی پی پی) کے شریک چیئرمین آصف زرداری، ان کی بہن فریال تالپور اور بڑے بڑے کاروباری شراکت داروں سے تحقیقات کی جارہی ہیں، اس سلسلے میں ایف آئی اے نے ابتدائی طور پر معروف بینکر حسین لوائی کو گرفتار کیا تھا، جس کے بعد گزشتہ اگست میں جعلی اکاؤنٹس کیس میں ہی اومنی گروپ کے چیئرمین انور مجید اور ان کے بیٹے عبدالغنی مجید کو بھی گرفتار کر لیا گیا تھا۔

7 ستمبر 2018 کو سپریم کورٹ نے سابق صدر مملکت اور ان کی بہن کی جانب سے مبینہ طور پر جعلی اکاؤنٹس کے ذریعے اربوں روپے کی منی لانڈرنگ کیے جانے کے مقدمے کی تحقیقات کے لیے جوائنٹ انویسٹی گیشن ٹیم (جے آئی ٹی) تشکیل دی تھی۔

جعلی اکاؤنٹس کیس میں نیب نے ملزمان سے اب تک 11 ارب 16 کروڑ روپے کی ریکوری کر لی گئی ،کراچی اسٹیل مل کی 10ارب 66کروڑکی اراضی ملزمان سے واپس لے لی،اراضی کراچی اسٹیل مل کو واپس بھی کر دی گئی،ایک اور ملزم سے پلی بار گین کی مد میں 48کروڑ روپے بھی وصول کئے گئے،

آصف زرداری جیل میں اے سی، ٹی وی، فریج رکھ لے، لیکن…..عدالت

نیب کی جانب سے احتساب عدالت میں پلی بار گین کی درخواست بھی جمع کروائی گئی،ریکوری 8ملزمان سے پلی بار گین کی صورت میں کی گئی ،جعلی اکاؤنٹس کیس میں اب تک 42 ملزمان گرفتار ہیں ،ملزمان حماد شاہد،عبدالغنی، طارق بیگ،محمد اقبال سے ریکوری کی گئی ،پلی بارگین کرنے والوں میں محمد توصیف،عامراورسراج شاہد بھی شامل ہیں

آصف زرداری کو کچھ ہوا تو حکومت کو نہیں چھوڑیں گے، پیپلز پارٹی کی دھمکی

Leave a reply