پاکستانی جے ایف 17 تھنڈر پیرس ائیر شو میں مداحوں کواپنے سحرمیں جکڑنے کے لیے تیار.

0
58

پاکستانی جے ایف 17 تھنڈر پیرس ائیر شو کے مداحوں کواپنے سحرمیں جکڑنے کے لیے تیار.

تفصیلات کے مطابق: پاکستانی جے ایف 17 تھنڈر پیرس ائیر شو کے مداحوں کواپنے سحرمیں جکڑنے کے لیے تیاہے .
پاک فضائیہ کے جے ایف 17 تھنڈر نے پیرس ائیر شو کی مشقوں کا آغا ز کر دیا، یہ ائیر شو لا بورج پیرس میں 17 سے23 جون تک منعقد کیا جائے گا۔

ترجمان پاک فضائیہ نے کہا شو میں جے ایف 17 تھنڈر کی شرکت کو بہت اہمیت کی نظر سے دیکھا جا رہا ہے، شو میں جے ایف 17 تھنڈر کی صلاحیتیوں کو ظاہر کرنے کا موقع ملے گا۔

ترجمان کا کہنا تھا تین جے ایف 17 تھنڈر طیاروں پر مشتمل پاک فضائیہ کا دستہ پیرس ائیر شو میں شرکت کیلئے دو دن پہلے پیرس پہنچا تھا۔

یہ ائیر شو فرنچ ائیر و سپیس انڈسٹریز ایسوسی ایشن کے تعاون سے منعقد کی جانے والی دنیا کی سب سے بڑی نمائش ہے، جس میں دنیا بھر کے ممالک جدید ٹیکنالوجی سے لیس جہاز نمائش کیلئے پیش کئے جائیں گے۔

یاد رہے کہ پیرس ایئر شو میں پاکستانی وفد میں ائر فورس کے آفیسر، پائلٹ، ٹیکنیشن اور ایکسپرٹ بھی موجود ہیں۔ سترہ جون سے شروع ہونے والے اس ایئر شو میں دنیا بھر سے طیارہ ساز کمپنیاں شرکت کریں گی۔

ذرائع کے مطابق ایئر شو سات دن تک جاری رہے گا۔ 17 سے 20 جون تک پروفیشنلز کیلئے اور آخری تین دن پبلک کے لئے بھی داخلہ رکھا گیا ہے۔ جے ایف سترہ تھنڈر لڑاکا طیارے پہلی بار 2015ء کے پیرس ائر شو میں پیش کیا گیا تھا۔

واضح رہے کہ رواں سال مارچ میں پاک فضائیہ نے جے ایف 17 تھنڈر طیارے سے ملکی ساختہ میزائل کا کامیاب تجربہ کیا تھا، ملکی ساختہ میزائل طویل فاصلے تک مارکرنے کی صلاحیت رکھتاہے۔

Leave a reply