سینیٹ اجلاس، جماعت اسلامی نے ڈاکٹر عافیہ بارے جواب طلب کر لیا

چیئرمین صادق سنجرانی کی زیرصدارت سینیٹ کا اجلاس ہوا

سینیٹر مشتاق احمد نے کہا کہ عافیہ صدیقی کے بچوں اور فیملی کے ساتھ بات کیوں نہیں کروائی جارہی ؟وزیرمملکت خارجہ امور حنا ربانی کھر کی جانب سے سینیٹر مشتاق احمد کو ایوان میں جواب دیا گیا،حنا ربانی کھر نے ایوان میں کہا کہ عافیہ صدیقی کے رہائی کے حوالے سے سینیٹر مشتاق احمد کو معلومات فراہم کی جائے گی،

یاد رہے کہ ڈاکٹر عافیہ صدیقی اس وقت امریکہ کی جیل میں‌ ہیں اور انہیں‌ چھیاسی برس کی سزا سنائی گئی ہے. اہل خانہ کی طرف سے حکومت سے بار بار اپیل کی گئی ہے کہ وہ ان کی رہائی کیلئے کردار ادا کرے

چینی جیلوں میں خواتین سمیت 236 پاکستانی قید
وزارت خارجہ کی جانب سے چین میں پاکستانی قیدیوں کے حوالے سے تفصیلات سینیٹ میں پیش کر دی گئیں ، تحریری جواب میں کہا گیا کہ چینی جیلوں میں 236 پاکستانی ہیں جن میں خواتین بھی شامل ہیں پاک چین معاہدہ 2020 کے تحت 21 قیدیوں کی رہائی کی استدعا کی تھی 81 پاکستانی قیدی3سال میں اپنی سزائیں مکمل کرنے کے بعد رہا ہو چکے ہیں پاکستانی قیدیوں کی جلد از جلد حوالگی کے لیے پاکستانی مشن چینی حکام سے رابطے میں ہے

سینیٹر مشتاق احمد نے کہا کہ ہاکی ہمارا قومی کھیل ہے شناخت ہے ،ہمارے قومی کھیل ہاکی کا انتقال ہوچکا ہے، شہادت اعوان نے کہا کہ ماضی میں ہاکی کے کھیل میں ہمارا نام تھا،ہاکی کے کھیل کی نرسریز بند کردی گئیں ڈپارٹمنٹل اپائنٹمنٹ کا کوٹا وزیراعظم نے بحال کردیا ہے ،وزیراعظم نے کوٹا 17 اکتوبر 2022 کو بحال کیا،بحالی کی وجہ سے ہاکی کے کھیل کوفروغ ملے گا،سینیٹر تاج حیدر نے کہا کہ ہاکی کے کھیلوں کے فروغ کے لیے فیڈریشن قائم کیا جائے میدانوں کی مرمت کے لیے گرانٹس کی ضرورت ہے سندھ کے کھیلوں کے میدان خستہ حالی کا شکار ہیں 120کروڑ ان میدانوں کی تعمیر و مرمت کے لیے درکار ہونگے ضلع لسبیلہ کے دورے کے دوران حب پل ٹوٹ پھوٹ کا شکار ہیں اس کی مرمت کی طرف توجہ دی جائے اور دوسرے پل بھی بنائی جائیں تاکہ ٹریفک کا بہاؤ تقسیم ہو سکے، شہادت اعوان نے کہا کہ مون سون بارشوں سے سڑکوں اور پلوں کو شدید نقصان پہنچا ہے ہم نے بحالی کا کام شروع کیا ہوا ہے ہم نے متبادل راستے بنانے شروع کیے ہیں۔جلد کام ہو جائے گا اللہ ہمیں ایسی آفات سے محفوظ رکھے

سینیٹ اجلاس شہزاد وسیم نے کہا کہ گزشتہ روز مذہبی کارڈ اور نفرت انگریز تقریرکی گئی،اس سے قبل جاوید لطیف نے بھی یہی موقف اپنایا تھا،اگرکوئی تدبیر کامیاب نہ ہوتو یہ مذہبی کارڈ اورشرانگیزی پر چل نکلے ہیں اس وقت ملکی سیاست کامحور عمران خان ہے ،12 جماعتیں اقتدار کی چھتری تلے پناہ لیے ہوئے ہیں حکومت سے ہمیں ہمدردی ہے عمران خان انہین سیاسی میدان مین پچھاڑ دیتا ہے عمران خان کو نااہل کرنے کی تدبیر بھی ناکام ہوئی ،حکومت خطرناک روش پرچل پڑی ہے ،یہ حکومت اب عمران خان کے جان کے در پر ہیں عمران خان کی جان کو خطرات لاحق ہیں ،

سیلاب سے زراعت اور لائیو اسٹاک کے شعبے میں 631 ارب روپے کا نقصان ہوا
وزارت غذائی تحفظ نے حالیہ بارشوں اور سیلاب سے زراعت اور لائیو اسٹاک کے شعبوں میں ہونے والے نقصان کی تفصیلات سینیٹ میں پیش کردیں۔سینیٹ کے اجلاس کے دوران وقفہ سوالات میں وزارت غذائی تحفظ نے سیلاب سے زراعت اور لائیو اسٹاک کے شعبوں میں ہونے والے نقصان کے حوالے سے پوچھے گئے سوال کا تحریری جواب دیا۔وزارت غذائی تحفظ نے بتایا کہ حالیہ سیلاب سے سیلاب سے زراعت اور لائیو اسٹاک کے شعبے میں 631 ارب روپے کا نقصان ہوا۔تحریری جواب میں بتایا گیا کہ سیلاب سے ملک میں فصلوں کو 40 فیصد نقصان ہوا، سندھ میں 79،بلوچستان 53، آزاد کشمیر کی 25 فیصد پنجاب کی 15 اور خیبرپختونخوا کی 14 فیصد فصلیں تباہ ہوئیں۔وزارت غذائی تحفظ نے بتایا کہ سیلاب سے 50 لاکھ 98 ہزار 963 ایکڑ پر کھڑی فصلیں تباہ ہوئیں، جس سے 529 ارب روپے کا نقصان پہنچا، سندھ میں فصلوں کو 394 ارب ، پنجاب میں 82 ارب، بلوچستان میں 63 ارب، خیبر پختونخوا میں 17 ارب اور آزاد کشمیر میں ایک ارب روپے کی فصلیں تباہ ہوئیں۔تحریری جواب میں بتایا گیا کہ کپاس کی فصل تباہ ہونے سے 2 کھرب 29 ارب روپے، چاول کی سٖل خراب ہونے سے 73 ارب، 35 ارب روپے کی پیاز ، 13 ارب روپے کی ٹماٹر ، 16 ارب کی مرچ جب کہ 23، 23 ارب کی کھجور اور گنے کی فصلیں تباہ ہوئیں۔

وزارت غذائی تحفظ نے بتایا کہ سیلاب سے اب تک 11 لاکھ 58 ہزار مویشی ہلاک ہوچکے ہیں، جس سے لائیو اسٹاک کے شعبے کو 102 ارب روپے کا نقصان ہوا ہے۔

دوسری جانب پارلیمنٹ کا مشترکہ اجلاس آج سہ پہر 4 بجے ہوگا مشترکہ اجلاس میں 4 بل منظوری کے لیے پیش کیے جائیں گے سینیٹر نزہت صادق ڈسلیگزیا کا شکار بچوں کی تعلیم کے لیے اقدامات کا بل پیش کریں گی سینیٹر سلیم مانڈوی والا ٹریڈ آرگنائزیشن ترمیمی بل منظوری کے لیے پیش کریں گے زہرہ ودود فاطمی اسلام آباد گھریلو ملازمین بل 2022 منظوری کے لیے پیش کریں گی بجلی کی پیداوار، ترسیل اور تقسیم کی ریگولیشن بل 2022 منظوری کے لیے پیش کیا جائے گا

عافیہ صدیقی کی رہائی کیلئے کراچی میں احتجاج

اچھا ہوتا وزیراعظم اپنی تقریر میں ڈاکٹر عافیہ کا ذکر کرتے۔ حافظ سعد رضوی

 یہودی عبادت گاہ میں ہلاک یرغمالی ملک فیصل اکرم نے ڈاکٹرعافیہ صدیقی کی رہائی کا مطالبہ کیا

ڈاکٹر عافیہ صدیقی سے ملاقات کروائی جائے، اہلخانہ عدالت پہنچ گئے

نئی حکومت ڈاکٹرعافیہ صدیقی کو رہا کرائے،مولانا عبدالاکبر چترالی کا مطالبہ