سیاسی پارٹیاں دھرنے میں مشغول جماعت اسلامی کیا کررہی ہے

چارسدہ (نمائندہ باغی ٹی وی) تفصیلات کے مطابق جماعت اسلامی ضلع چارسدہ نے ایک ایسے وقت میں سوشل میڈیا ارکان کو لائحہ عمل دیکر کفری طاقتوں کے ساتھ مقابلے کیلئے تیار کیا ہے جس وقت پورے ملک کی سیاسی پارٹیوں کے ہاتھ ایک دوسرے کے گریبانوں میں ہے۔ جماعت اسلامی چارسدہ کے سوشل میڈیا زمہ داران کا اجلاس اور ٹریننگ المرکز الاسلامی چارسدہ میں ہوا جس میں ضلع کےمختلف جگہوں سے زمہ داران نے شرکت کی اجلاس میں نہ صرف سوشل میڈیا کی اہمیت و ضرورت پر بات چیت کی گئی جبکہ ایک ٹریننگ سیشن میں مکمل اعدادوشمار کے ساتھ کارکنان کو اس میدان میں حکمت عملی کے ساتھ لڑنے کیلئے تیار کیا۔
ٹریننگ سیشن کے دوران نسیم اللہ شاہین اور حیات خان نے شرکاء کو مختلف موبائیل ایپلیکیشنز اور کمپیوٹر پروگرامز کے بارے میں اگاہی اور ان کے استعمال کا طریقہ کار سیکھایا
جماعت اسلامی چارسدہ کے امیر محمد ریاض خان نے سوشل میڈیا ورکرز کو اپنے پیغام میں کہا کہ ہمیں بے لگام گھوڑوں کی طرح ہر جگہ بغیر تحقیق کے نہیں کودنا چاہئے کیونکہ مسلمان کیلئے ضروری ہے کہ وہ پہلے تحقیق کرے پھر بات کو اگے پھیلائے، جماعت اسلامی کے کارکنان اپنی ذاتی تربیت پر توجہ دیں لٹریچر کا مطالعہ ذیادہ سے ذیادہ کریں اور ہر کسی کو اخلاق کے دائرے میں جواب دیں۔
انہوں نے کہا کہ ہر زون کے سطح پر جلد از جلد اس طرح کے پروگرامات اور ٹریننگز کا انعقاد کیا جائے تاکہ کارکنان منظم رہیں۔
اجلاس میں جماعت اسلامی ضلع چارسدہ کے جنرل سیکرٹری مفتی اکبر علی عابد ڈپٹی جنرل سیکریٹری ہارون خان سیکرٹری اطلاعات ظہور احمد ظریف خیل اور سوشل میڈیا انچارج حیات خان کے علاوہ دیگر زمہ داران نے بھی شرکت کی۔