fbpx

جتنی مضبوط صبا ہے وہ اتنے ہی مضبوط مرد کی حقدار ہے یاسر حسین

پاکستان شوبز انڈسٹری کے نامور اداکار یاسر حسین نے اداکارہ صبا قمر کے آسٹریلوی بلاگر عظیم خان سے شادی سے انکار کے فیصلے کو سراہتے ہوئے انہیں ایک مضبوط خاتون قرار دیا ہے-

باغی ٹی وی : صبا قمر نے گزشتہ روز اچانک اپنے منگیتر بلاگر عظیم خان کے ساتھ شادی کے فیصلے کو منسوخ کردیا تھا۔ انہوں نے شادی سے انکار کی کوئی وجہ تو نہیں بتائی تھی صرف اتنا کہا تھا اب ہم شادی نہیں کررہے اور لوگوں سے درخواست کی تھی کہ وہ اس فیصلے میں ان کا ساتھ دیں-

صبا قمر کے اس فیصلے کے بعد پاکستان شوبز انڈسٹری کے فنکاروں نے ان کے فیصلے کو سراہتے ہوئے انہیں ایک مضبوط خاتون قرار دیا ہے۔ یاسر حسین نے انسٹااسٹوری شیئر کرتے ہوئے لکھا ’جتنی مضبوط صباقمر ہے وہ اتنے ہی مضبوط مرد کی مستحق (حقدار) ہے۔ اور یاد رکھنا مرد داڑھی مونچھ سے نہیں بلکہ اپنی سچائی اور ایمانداری سے مرد بنتا ہے۔ انہوں نے صبا قمر کو مضبوط رہنے کی تلقین بھی کی۔

واضح رہے کہ صبا قمر نے گزشتہ روز بتایا تھا کہ وہ عظیم خان سے کبھی نہیں ملیں ہم صرف فون پر ہی رابطے میں تھے دوسری جانب عظیم خان نے صبا قمر کے فیصلے پر ردعمل ظاہر کرتے ہوئے کہا تھاکہ صبا نے میری طرف کی کہانی نہیں بتائی ہاں یہ میری غلطی ہے۔

صبا قمر کا شادی کا فیصلہ واپس لینے پر ساتھی فنکاروں کا رد عمل

جواب چھوڑیں

آپ کا ای میل ایڈریس شائع نہیں کیا جائے گا.