جیا بچن کے بیان پر کنگنا رناوت کا شدید ردعمل

بھارتی اداکارہ کنگنا رناوت سماج وادی پارٹی کی رکن پارلیمنٹ اور لیجنڈری اداکار امیتابھ بچن کی اہلیہ جیا بچن کو اپنے خلاف بیان دینے پر برہمی کا اظہار کیا۔

بھارتی میڈیا کی رپورٹ کے مطابق رکن پارلیمنٹ جیا بچن نے راجیا سبھا میں کنگنا رناوت کے خلاف بیان دیا تھا کنگنا رناوت فلم انڈسٹری میں اقرباپروری کے خلاف آواز بلند کرنے والوں میں شامل ہیں جبکہ انہوں نے اس انڈسٹری کو ’گٹر‘ سے تشبیہ دی تھی۔

اسی بیان سے متعلق راجیا سبھا میں خطاب کرتے ہوئے جیا بچن نے کہا تھا کہ شوبز انڈسٹری کے کچھ لوگوں کو سوشل میڈیا پر مار پڑ رہی ہے ایسے لوگ جنھوں نے اس انڈسٹری سے نام بنایا وہ اسے ہی گٹر کہہ رہے ہیں۔

کنگنا رناوت کے بیان کو مسترد کرتے ہوئے جیا بچن کا کہنا تھا کہ میرا ایسے بیان سے مکمل اختلاف ہے مجھے امید ہے کہ حکومت ایسے لوگوں کو بتائے گی کہ وہ اس طرح کی زبان استعمال نہ کریں۔

جیا بچن کے اس بیان پر رد عمل دیتے ہوئے کنگنا رناوت نے سماجی رابطے کی ویب سائٹ ٹوئٹر پر اپنے ٹوئٹ میں جیا بچن کو مخطاب کرتے ہوئے لکھا کہ جیا جی! کیا آپ اس وقت بھی ایسا ہی بیان دیتیں جب میری جگہ پر آپ کی بیٹی شویتا کو مارا پیٹا جاتا گھسیٹا جاتا اور اس کی بے حرمتی کی جاتی؟


کنگنا نے لکھا کہ کیا آپ تب بھی یہی کہتیں اگر ابھیشیک مسلسل اپنے خلاف غنڈہ گردی اور ہراساں کرنے کی شکایت کرتے رہتے اور ایک دن خود کو پھانسی لگائے ہوئے ملتے؟

اپنے پیغام کے اختتام پر کنگنا رناوت نے لکھا کہ آپ ہمارے کے لیے بھی ہمدردی کا اظہار کریں-

جواب چھوڑیں

آپ کا ای میل ایڈریس شائع نہیں کیا جائے گا.