جو رشتہ خدا کو پسند ہے اس رشتے پر آپ کو اعتراض نہیں ہونا چاہئے آغا علی

پاکستان شوبز انڈسٹری کے معراف اداکار اور گلوکار آغا علی نے صدف کنول اور شہروز سبزواری پر کی جانے والی تنقید کا جواب دیتے ہوئے کہا کہ لوگوں کو دوسروں کی خوشی میں خوش ہونا سیکھنا چاہیئے۔

باغی ٹی وی : پاکستانی نامور اداکارہ حنا الطاف کے ساتھ رشتہ ازدواج میں منسلک ہونے والے اداکار آغا علی نے صدف کنول اور شہروز سبزواری پر کی جانے والی تنقید کا جواب دیتے ہوئے کہا کہ لوگوں کو دوسروں کی خوشی میں خوش ہونا سیکھنا چاہیئے۔ اداکار کا کہنا تھا کہ برائے مہربانی کسی کا مذاق اُڑانے اور کسی کے حساس مسئلے کو عوامی بنا کر بے عزت کرنے سے پہلے سوچیں کہ ایسا آ پ کے ساتھ بھی ہوسکتا ہے۔
https://www.instagram.com/p/CA6KgzNByY4/?igshid=1lze82uhinwe6
اداکار نے اپنی انسٹا گرام سٹوری پر ایک طویل پیغام شئیر کیا انہوں نے لکھا کہ کسی کی ذاتی زندگی میں کیا چل رہا ہے، وہ کوئی فیصلہ کن وجوہات کی بناء پر لے رہا ہے، اس کا دل کس بات پر کتنا دُکھا ہے، یا وہ کسی فیصلے سے کتنا خوش ہے؟ یہ صرف وہ انسان خود، اس کے قریبی لوگ یا خدا کی ذات جانتا ہے۔

آغا علی نے تنقید کرنے والوں نے درخواست کرتے ہوئے لکھا کہ برائے مہربانی کسی کا مذاق اُڑانے اور کسی کے حساس مسئلے کو عوامی بنا کر بے عزت کرنے سے پہلے سوچیں کہ ایسا آ پ کے ساتھ بھی ہوسکتا ہے۔

انہوں نے لکھا کہ جو رشتہ خدا کو پسند ہے اس رشتے پر آپکو اعتراض ہے تو نہیں ہونا چاہئے کوئی انسان کوئی بھی رشتہ خوشی سے نہیں توڑتا ان کی خوشی میں خوش ہونا سیکھیں

اداکار و گلوکار نے صدف کنول اور شہروز سبزواری کی نئی زندگی کیلئے نیک خواہشات کا اظہار کرتے ہوئے لکھا کہ اللہ آپ دونوں کیلئے آسانیاں پیدا کرے-

آغا علی نے اداکار نے شہروز کی سابقہ اہلیہ سائرہ یوسف اور ان کی بیٹی نور کے بہتر مستقبل کیلئے بھی نیک خواہشات کا اظہار کرتے ہوئے کہا کہ میں سائرہ کے لئے بھی دعا گو ہوں کہ انہیں وہ ملے جس کی وہ مستحق ہیں اور اللہ ان کی بیٹی کو بہتر مستقبل سے نوازیں آمین-

واضح رہے کہ اداکار آغا علی خان اور ادکارہ حنا الطاف نے جمعۃالوداع کو نکاح کر کے رشتہ ازدواج میں منسلک ہوئے تھے

لاک ڈاؤن کے دوران رشتہ ازدواج میں منسلک ہونے والے فنکار

شوبز انڈسٹری کی ایک اور جوڑی قرنطینہ میں شادی کے بندھن میں بندھ گئی