جوبائیڈن کی امریکی سیکیورٹی ٹیم کو الکاظمی پر حملے کی تحقیقات میں مدد کر نے کی ہدایت

0
66

امریکی صدر جو بائیڈن نے عراقی وزیر اعظم مصطفیٰ الکاظمی کے گھر پر حملے کو عراقی ریاست کے خلاف دہشت گردانہ کارروائی قرار دیا۔

باغی ٹی وی : "العربیہ” کے مطابق امریکی صدر جوبائیڈن نے اپنے ایک بیان میں اس حملے کی شدید مذمت کرتے ہوئے امریکی صدر کا کہنا تھا کہ میں نے قومی سلامتی کی ٹیم کو عراقی سیکیورٹی فورسز کی مدد کرنے کی ہدایت کی ہے۔

ان کا کہنا تھا کہ واشنگٹن عراق کی خودمختاری اور آزادی کی حمایت کے لیے حکومت اور عوام کے ساتھ مضبوطی سے کھڑا ہے۔

عراقی وزیراعظم کے گھر کے پر راکٹ حملہ

انہوں نے کہا کہ الکاظمی کے گھر پر حملے کے مرتکب عناصر عراق میں جمہوری عمل کو نقصان پہنچانا چاہتے ہیں انہوں نے وزیراعظم مصطفیٰ الکاظمی کی طرف سے عوام سے تحمل کا مظاہرہ کرنے کی اپیل کو بھی سراہا۔

واضح رہے کہ گزشتہ روز عراق کے وزیراعظم مصطفیٰ الکاظمی کی رہائش گاہ پر نامعلوم افراد نے مسلح ڈرون سے حملے کی ناکام کوشش کی تھی۔ الکاظمی اس حملے میں بال بال بچ گئے تھے فوری طور پر کسی فریق نے اس حملے کی ذمہ داری قبول کرنے کا اعلان نہیں کیا۔

مسافر کی طبیعت بگڑنے پر طیارے کی ہنگامی لینڈنگ،20 مسافر غیر قانونی طور پر سپین میں…

تمام عراقیوں سے خطاب میں ایک ریکارڈ شدہ بیان میں وزیراعظم نے زور دیا کہ بزدلانہ میزائل اور ڈرون حملے قوموں کی تعمیر نہیں کرتے۔انہوں نے کہا کہ میں خیریت سے ہوں اور حملے میں انہیں کوئی چوٹ نہیں آئی سیکیورٹی فورسز ملک کی حفاظت کے لیے کام کر رہی ہیں۔

حملے کے نتیجے میں کچھ وزیراعظم مصطفیٰ الکاظمی کے حفاظتی عملے کے کچھ اہلکار معمولی زخمی ہوئے تھے۔

بھارتی فوجی اہلکار نے اپنے ہی اہلکاروں پر گولیاں چلا دیں، چار ہلاک، تین زخمی

Leave a reply