fbpx

اردن کے سفیر کی سربراہ پاک فضائیہ سے ملاقات:اہم معاملات پربات چیت

راولپنڈی : اردن کے سفیر کی سربراہ پاک فضائیہ سے ملاقات:اہم معاملات پربات چیت،اطلاعات کے مطابق اردن کے سفیر عزت مآب ابراہیم المدنی نے سربراہ پاک فضائیہ ایئر چیف مارشل ظہیر احمد بابر سدھو سے آج ان کے دفتر میں ملاقات کی۔ دونوں معززین نے پیشہ ورانہ اور باہمی دلچسپی کے امور پر تبادلہ خیال کیا۔

اردن کے سفیر عزت مآب ابراہیم المدنی نے پیشہ ورانہ مہارت اور ایوی ایشن انڈسٹری میں خود انحصاری کی طرف گامزن پاک فضائیہ کی تعریف کی۔

ایئر چیف نے کہا کہ پاکستان اور اردن کے مابین دیرینہ مذہبی، ثقافتی اور تاریخی رشتہ قائم ہے جو دونوں فضائی افواج کے مابین مضبوط روابط کا مظہر ہے۔

سربراہ پاک فضائیہ نے دونوں ممالک کی فضائی افواج کے مابین پہلے سے استوار پائیدار تعلقات کو مزید مضبوط بنانے کی ضرورت پر بھی زور دیا۔