fbpx

موسم کی صورتحال: جڑواں شہروں سمیت ملک کے مختلف اضلاع میں مون سون اپنا رنگ دکھانے لگا

محکمہ موسمیات کے مطابق ملک کے بیشتر اضلاع میں مطلع جزوی ابر آلود اوربعض میں موسم گرم رہےگا جبکہ جڑواں شہروں میں مون سون اپنا رنگ دکھانے لگا-

باغی ٹی وی : محکمہ موسمیات کے مطابق آزاد کشمیر ، گلگت بلتستان اور اسلام آبادمیں تیز ہواؤں اور گرج چمک کےساتھ بارش کا امکان ہے آزاد کشمیر، پنجاب اور خیبر پختو نخوا میں آندھی اورگرج چمک کےساتھ بارش متوقع ہے-

سندھ کے بیشتر بالائی اور وسطی اضلاع میں موسم شدید گرم رہے گا جبکہ میر پور خاص، حیدر آباد، سکھر، بینظیرآباداور سانگھڑ میں مطلع جزوی ابر آلود رہےگا سندھ میں چند مقا مات پر آندھی ،تیز ہواؤں اورگرج چمک کےساتھ بارش متوقع ہے اور جنوب مشرقی سندھ میں تیز ہوائیں اور بارش کاامکان ہے-

کراچی اور گردونواح میں بو ندا باندی کاامکان ہے جبکہ نارتھ کراچی میں تیز بارش سے موسم خوشگوار ہوگیا نیو کراچی اور سرجانی ٹاؤن میں بھی بارش نینشل ہائی وے اور اطراف میں کہیں کہیں بارش سمبڑیال میں بارش سے بازاروں اور گلیوں میں پانی بھر گیا-

ملتان، ڈی جی خان، بھکر ،لیہ اور بہاولنگر میں آندھی اور گرج چمک کے ساتھ بارش متوقع سرگودھا،خوشاب،فیصل آباد،جھنگ ،ٹوبہ ٹیک سنگھ اور میانوالی میں بارش ہوگی خطۂ پوٹھو ہار،سیالکوٹ، نارووال،گجرات ،گوجرانوالہ اورلاہور میں بھی بارش متوقع-

بلوچستان کے بیشتر اضلاع میں موسم گرم اور خشک رہے گا،قلات، خضدار بار کھان، کو ہلو، سبی اورژوب میں گرج چمک کے ساتھ بارش کا امکان ہے کرک ، کوہاٹ، کرم،بنوں اور لکی مروت تیز ہواؤں اورگرج چمک کےساتھ بارش ہوگی-

دیر ، شانگلہ ، سوات ، مالاکنڈ ، مردان ، صوابی، چارسدہ ، نوشہرہ اور پشاور میں بارش متوقع جبکہ ایبٹ آباد ، ہری پور ، کوہستان ، مانسہرہ ، بونیر اور چترال میں مزید بارش کا امکان ہے-

ایبٹ آباد میں مسلسل بارش ، نشیبی علاقے زیر آب، پانی گھروں میں داخل ہو گیا لوگوں کو مشکلات کا سامنا ،منڈی بہاوَالدین اور گردونواح میں بارش، گرمی کا زور ٹوٹ گیا سیالکوٹ میں گرج چمک کے ساتھ تیز بارش ،نشیبی علاقےزیرآب آگئے-