پاکستان مسلم لیگ (ن) کی نائب صدر مریم نواز اور کیپٹن (ر) محمد صفدر کے بیٹے جنید صفدر کے ولیمہ کی تقریب پاکستان میں ہوگی۔
باغی ٹی وی : پاکستان مسلم لیگ ن کی نائب صدر مریم نواز اور کیپٹن (ر) محمد صفدر کے بیٹے جنید صفدر کے ولیمے سے متعلق سوشل میڈیا پر اس وقت خبریں زیر گردش ہیں جنید صفدر اور عائشہ سیف خان کا نکاح 22 اگست کو لندن میں میں ہوا تھا اور اب کہا جارہا ہے کہ ولیمہ آئندہ ماہ میں لاہور میں ہوگا۔
سوشل میڈیا رپورٹس کے مطابق اس تقریب کا انعقاد آ ئندہ ماہ دسمبر کی17 تاریخ کو جاتی امرا میں ہو گی۔ جنید صفدر اور ان کی اہلیہ دسمبر کے پہلے ہفتے میں پہنچیں گے شریف خاندان کا آبائی گھر رائے ونڈ میں ہے اور ایسا بھی امکان ہے کہ دلہن کی رخصتی اسلام آباد سے ہو کیونکہ اس سے قبل مریم نواز کے صاحبزادے جنید صفدر کا ایک انٹرویو میں کہنا تھا کہ شادی کی تقریبات لاہور اور اسلام آباد میں رواں برس دسمبر تک منعقد کرنے کا امکان ہے۔
جنید صفدر کی دعوت ولیمہ کیلئےمہمانوں کی فہرست کی تیاری شروع کردی گئی ہے۔ دعوت ولیمہ میں سابق صدر آصف علی زرداری اور بلاول بھٹو کو مدعو کیا جائے گا ، مہمانوں کی فہرست میں مولانا فضل الرحمان کا نام بھی شامل ہے۔ مہمانوں کی فہرست میں پی ڈی ایم بلوچستان اور اے این پی کے رہنماوں کے نام بھی شامل ہیں۔
عائشہ سیف خان نواز شری کے قریبی ساتھی سیف الرحمن خان کی بیٹی ہیں، جو 1997 میں نواز شریف کی وزارت عظمی کے دوسرے دور میں احتساب بیورو کے چیئرمین رہے تھے پاکستان مسلم لیگ (ن) کی نائب صدر کے بیٹے کے نکاح کی تقریب لندن کے مہنگے ترین اور پرتعیش 5 اسٹار ہوٹل دی لینس بورو میں منعقد ہوئی جو ہائیڈ پارک کارنر پر نائٹس برج میں واقع ہے۔
اس تقریب کا سوشل میڈیا پر کافی چرچا رہا تھا اور جوڑے کی تصاویر کے ساتھ ساتھ جنید صفدر کی جانب سے محمد رفیع کا گانا کیا ہوا تیرا وعدہ’ گانے کی ویڈیو بھی وائرل ہوئی تھی مریم نواز اور کیپٹن (ر) محمد صفدر بیٹے کے نکاح کی تقریب میں شرکت نہیں کرسکے تھے اور انہوں نے ویڈیو کال کے ذریعے تقریب میں شرکت کی تھی۔
انہوں نے 11 اگست کو ہی اعلان کردیا تھا کہ وہ لندن میں منعقد ہونے والی تقریب میں شرکت کی اجازت کے لیے حکومت سے درخواست نہیں کریں گے۔