fbpx

جنید صفدر نے ا پنے ولیمے کا کارڈ سوشل میڈیا پر شیئر کردیا

نائب صدر مریم نواز اور کیپٹن (ر) محمد صفدر کے بیٹے جنید صفدر نےا پنے ولیمے کے کارڈ کی تصویر سوشل میڈیا پر شیئر کردی۔

باغی ٹی وی : جنید صفدر نے سوشل میڈیا پلیٹ فارم انسٹاگرام پر اپنے اکاونٹ سے ایک پوسٹ شیئر کی ہے جس میں انہوں نے اپنے ولیمے کے کارڈ کی تصویر لگائی ہے شیئر کی گئی تصویر میں دیکھا جا سکتا ہے کہ کارڈ پر ولیمے کی تقریب کی تاریخ”17دسمبر 2021″ درج ہے۔

کارڈ پر جنید صفدر اور ان کی اہلیہ عائشہ کی تصویر بنی ہوئی ہے ساتھ ہی دونوں کے نام بھی لکھے گئے ہیں ولیمے کے کارڈ پر شائع کی گئی تصویر جنید صفدر اور ان کی اہلیہ عائشہ کے نکاح کے موقع کی ہے۔

جنید صفدر نے کارڈ کی تصویر شیئر کرتے ہوئے کیپشن میں بھی ولیمے کی تاریخ لکھی ہے-

واضح رہے کہ پاکستان مسلم لیگ ن کی نائب صدر مریم نواز اور کیپٹن (ر) محمد صفدر کے بیٹے جنید صفدر اور عائشہ سیف خان کا نکاح 22 اگست کو لندن میں میں ہوا تھاشریف خاندان کا آبائی گھر رائے ونڈ میں ہے اور خیال ظاہر کیا جا رہا ہے کہ شادی کی یہ تقریب بھی وہیں پر ہو گی۔

عائشہ سیف خان نواز شری کے قریبی ساتھی سیف الرحمن خان کی بیٹی ہیں، جو 1997 میں نواز شریف کی وزارت عظمی کے دوسرے دور میں احتساب بیورو کے رہے تھے پاکستان مسلم لیگ (ن) کی نائب صدر کے بیٹے کے نکاح کی تقریب لندن کے مہنگے ترین اور پرتعیش 5 اسٹار ہوٹل دی لینس بورو میں منعقد ہوئی جو ہائیڈ پارک کارنر پر نائٹس برج میں واقع ہے۔

جنید صفدرکے ولیمے کی تقریب پاکستان میں کب اور کہاں ہو گی؟

اس تقریب کا سوشل میڈیا پر کافی چرچا رہا تھا اور جوڑے کی تصاویر کے ساتھ ساتھ جنید صفدر کی جانب سے محمد رفیع کا گانا کیا ہوا تیرا وعدہ’ گانے کی ویڈیو بھی وائرل ہوئی تھی مریم نواز اور کیپٹن (ر) محمد صفدر بیٹے کے نکاح کی تقریب میں شرکت نہیں کرسکے تھے اور انہوں نے ویڈیو کال کے ذریعے تقریب میں شرکت کی تھی۔

انہوں نے 11 اگست کو ہی اعلان کردیا تھا کہ وہ لندن میں منعقد ہونے والی تقریب میں شرکت کی اجازت کے لیے حکومت سے درخواست نہیں کریں گے۔