سعد فاروق
ترجمان دفتر خارجہ شفقت علی خان نے بھارتی سیکریٹری خارجہ کی جانب سے جنگ بندی کی خلاف ورزی کے الزامات کو سختی سے مسترد کرتے ہوئے کہا ہے کہ پاکستان سیز فائر معاہدے پر مکمل دیانت داری سے قائم ہے اور کسی قسم کی خلاف ورزی نہیں کی گئی۔
با غی ٹی وی کے مطابق دفتر خارجہ کی جانب سے جاری بیان میں کہا گیا ہے کہ یہ وضاحت بھارتی سیکریٹری خارجہ کے الزامی بیان سے متعلق ایک سوال کے جواب میں دی گئی۔ ترجمان نے کہا کہ پاکستان اور بھارت کے درمیان ہونے والی جنگ بندی پر پاکستان پوری سنجیدگی سے عمل پیرا ہے، جیسا کہ معاہدے کے وقت اعلان کیا گیا تھا۔
انہوں نے مزید کہا کہ اگرچہ بھارت نے متعدد مواقع پر مختلف علاقوں میں جنگ بندی کی خلاف ورزیاں کیں، پاکستان کی افواج نے صورتِ حال کو انتہائی ذمہ داری اور ضبط کے ساتھ سنبھالا۔ترجمان کا کہنا تھا کہ پاکستان سمجھتا ہے کہ سیز فائر سے متعلق کسی بھی نوعیت کے مسائل کو متعلقہ چینلز کے ذریعے حل کیا جانا چاہیے، اور دونوں جانب کے سپاہیوں کو بھی ضبط و تحمل سے کام لینا چاہیے۔
بھارت اور پاکستان کے درمیان سندھ طاس معاہدہ تاحال معطل
پشاور سمیت مختلف علاقوں میں زلزلے کے جھٹکے
پاکستان کی خودمختاری پر کوئی سمجھوتہ نہیں ،وزیر اعظم شہباز شریف
