ہرجانہ کیس، فیصلے کے خلاف وزیراعظم نے دائر کی اپیل

0
38

ہرجانہ کیس، فیصلے کے خلاف وزیراعظم نے دائر کی اپیل
باغی ٹی وی کی رپورٹ کے مطابق وزیراعظم عمران خان نے ہرجانہ کیس میں پشاور ڈسٹرکٹ جج کے فیصلے کے خلاف پشاور ہائی کورٹ میں اپیل دائر کردی ہے۔ وزیراعظم کی جانب سے عدالت میں دائر کی گئی اپیل میں مؤقف اختیار کیا گیا ہے کہ وزیراعظم نے بطور پارٹی چئیرمین پریس کانفرنس میں سینیٹ انتخابات کے لیے ووٹ بیچنے والے اراکین کے نام لیے تھے۔

اپیل میں واضح کیا گیا ہے کہ ہارس ٹریڈنگ کے الزامات سامنے آنے پر پارٹی کی ڈسپلن کمیٹی کو ٹاسک دیا گیا تھا جن کی جانب سے نام سامنے آنے پر کارروائی کے لیے عمران خان نے پریس کانفرنس میں صرف اعلان کیا۔ تاہم ماتحت عدالت نے وزیراعظم کی جانب سے کیس خارج کرنے کی درخواست مسترد کردی ہے لہٰذا عدالت ماتحت عدالت کے فیصلے کو کالعدم قرار دے۔

 

گزشتہ برس 14 دسمبر کو وزیراعظم عمران خان کے خلاف ہتک عزت دعویٰ کی سماعت ہوئی تھی ڈسٹرکٹ اینڈ سیشنز جج پشاورکی عدالت نے ہرجانہ کیس میں وزیراعظم عمران خان کی درخواست مسترد کر دی تھی ۔عمران خان نے وکیل کی وساطت سے دائر اپنی درخواست میں مؤقف اپنایا تھا کہ سابق ایم پی اے فوزیہ بی بی کا ہرجانہ کیس ناقابل سماعت قراردے کرخارج کیا جائے۔

ہم سے غلطیاں ہوئیں، قوم سے معافی مانگتے ہیں، شہباز شریف کا اعتراف

عمران خان نے مجھ پر ایٹمی حملہ کر دیا، شہباز شریف نے ایسا کیوں کہہ دیا

جج نے وزیراعظم کی درخواست مسترد کردی اور فریقین کو 18 جنوری کو ہرجانہ کیس میں تحریری جواب جمع کرانے کا حکم دیا ہے۔ کیس کی آئندہ سماعت 18 جنوری تک ملتوی کر دی.

واضح رہے کہ پاکستان تحریک انصاف کے چیئرمین، وزیراعظم عمران خان نے 2018 میں ایک پریس کانفرنس کے دوران سینیٹ انتخابات میں ووٹ فروخت کرنے والے 20 ارکان کو اظہار وجوہ کا نوٹس جاری کرتے ہوئے اعلان کیا تھا کہ ان کے خلاف سخت کارروائی کی جائے گی۔

Leave a reply