کینیڈین گلوکار جسٹن بیبر نے کافی شاپ کے باہر تصاویر بنانے کیلئے آنے والے پاپارازی فوٹو گرافرز کے ساتھ بدتمیزی کی جس کی ویڈیو سوشل میڈیا پ وائرل ہو گئی-
باغی ٹی وی : غیر ملکی میڈیا کی رپورٹس کے مطابق سوشل میڈیا پر وائرل ویڈیو میں معروف گلوکار جسٹن بیبر کو پاپارازی فوٹوگرافرز پر غصے کا اظہار کرتے ہوئے دیکھا جا سکتا ہے، 31 سالہ جسٹن بیبر جب ایک کافی شاپ پر اپنے دوستوں کے ساتھ پہنچے تو وہاں پہلے سے موجود فوٹو گرافرز کو دیکھ کر برہم ہو گئے۔
ویڈیو میں دیکھا جا سکتا ہے کہ ایک فوٹوگرافر کے جسٹن کو ’گڈ مارننگ‘ کہنے پر گلوکار نے اس پر غصے کا اظہار کرتے ہوئے بدتمیزی سے جواب دیا، فوٹوگرافر سے بار بار کہا کہ نہیں، گڈ مارننگ نہیں، تمہیں پتہ ہے تم یہاں کیوں آئے ہو؟ پیسہ، پیسہ، پیسہ، تم لوگوں کو صرف پیسہ چاہیے، تمہیں انسانیت کی کوئی پرواہ نہیں۔
بھارتی باکسنگ آئیکون میری کوم کی شوہر سے علیحدگی ہو گئی؟
جسٹن بیبر کی اس ویڈیو کو سوشل میڈیا پلیٹ فارمز پر شیئر کیا جا رہا ہے ویڈیو دیکھ کر ان کے مداحوں سمیت صارفین حیران ہیں اور ان کی ذہنی صحت پر سوال اٹھا رہے ہیں۔
واضح رہے کہ اس سے قبل فروری میں بھی کینیڈین گلوکار جسٹن اپنی اہلیہ ہیلی بیبر کے برانڈ کے ایونٹ میں بے چینی کا شکار دکھائی دیئے تھےجسٹن بیبر کے قریبی ذرائع کا کہنا ہے کہ گلوکار کی اہلیہ ہیلی بیبر ان کے لیے کافی فکرمند ہیں مگر یہ واضح نہیں معلوم کہ جسٹن ایسی عجیب حرکات کیوں کر رہے ہیں۔
اسلام آباد ہائیکورٹ، چار افغان بھائیوں کی گمشدگی ،آئی جی اسلام آباد ،پنجاب طلب
