ہسپتال کے گیٹ کے بعد اب کچرے کے ڈھیر پر بچے کی پیدائش

باغی ٹی وی کی رپورٹ کے مطابق تنگوانی میں خاتون نے کچرے کے ڈھیر پر بچے کو جنم دے دیا ۔ نومولود بچے کی حالت نازک ہے ۔خاتون کے ورثہ نے بتایا کہ ڈیلیوری کے لیے سرکاری ہسپتال گئے تھے مگر ڈاکٹروں کی عدم موجودگی کے باعث نجی اسپتال جا رہے تھے کہ بچے کا جنم ہوا ۔

خاتون کے ہاں بیک وقت چار بچوں کی پیدائش پر والد نے کیا اپیل کر دی؟ جانیے تفصیل میں

بگٹی قبیلے سے تعلق رکھنے والے خاتون نے تنگوانی میں کچرے کے ڈھیر پر نومولود بچے کو جنم دے دیا بچے کی حالت نازک ہونے پر پہلے انہیں نجی اسپتال داخل کرا لیا گیا جہاں انہیں گیس کی سہولت دینے کے بعد بچے کو ورثہ اپنے ساتھ آبائی گاؤں بھٹائی کالونی لے گئے ۔ خاتون کی ڈلیوری کے وقت پر لوگ آتے اور جاتے رہے مگر کسی کو خاتون پر رحم نہیں آیا ۔

خاتون کے ورثہ نے آن کیمیرا موقف اور میڈیا کوریج کرنے سے انکار کردیا ۔ جبکہ اس سلسلے میں تنگوانی رولر ہیلتھ سینٹر کے ایم ایس ڈاکٹر شاہنواز ڈاہانی سے رابطہ کیا گیا تو ان کا کہنا تھا کہ سرکاری ہسپتال میں ڈلیوری کے لیے کوئی خاتون نہیں پہنچی ۔ ایم ایس نے بتایا کہ اسپتال میں لیڈی ڈاکٹر اور ڈاکٹرز موجود ہیں مگر ڈلیوری کے لیے یہاں کوئی بھی خاتون نہیں آئی۔

تنگوانی رولر ہیلتھ سینٹر کے ایم ایس ڈاکٹر شاہنواز ڈاہانی نے بھی اپنا موقف آن کیمرا دینے سے صاف صاف انکار کردیا ۔ بکہ ڈی ایچ او کندھکوٹ نذیر احمد عوان سے رابطہ کیا گیا تو انہوں نے کہا کہ مجھے اس بارے میں کچھ بھی علم نہیں ہے ۔